ކޮވިޑް 19 ގެ ފަރުވާއަކަށް އުފައްދާފައިވާ ގުޅަ ބޭހެއް އިންޑިއާއިން ތަޖުރިބާ ކުރުމަށް ހުއްދަ ދީފިއެވެ. އިންޑިއާގެ ކޮންޓްރޯލާ ޖެނެރަލް އޮފް ޑްރަގްސްއިން ވަނީ ފަސް ކުންފުންޏަކަށް މޮލްނަޕިރަވިރ ނަމަކަށް ކިޔާ ބޭހެއް ޓެސްޓް ކުރުމަށް ހުއްދަ ދީފިއެވެ.
ޑރ. ރެއްޑީއާއި ސަން ފަރްމާއާއި ސިޕްލާއާއި ޓޮރެންޓް އަދި އެމްކިޔޯއަށް އަންގާފައި ވަނީ ޖުލައިން ފެށިގެން ސެޕްޓެމްބަރަށް ޓެސްޓްތައް ކުރުމަށް ފަހު ކޮންމެ ކުންފުންޏަކުން ވެސް ވަކިވަކިން ނަތީޖާތައް ހުށަހެޅުމަށެވެ. އަދި އެ ނަތީޖާ ތަކަށް ބަލައި އެފަރާތްތަކަށް ބޭސް އުފެއްދުމަށް ހުއްދަ ދެވޭނެ ކަމަށެވެ. މިއީ އެތައް ފަރާތެއް ބައިވެރިކޮށްގެން ބޭހެއް އަޖުމަ ބެލުމަށް ހުއްދަ ދިން ފުރަތަމަ ފަހަރެވެ.
މޮލްނަޕިރަވިރއަކީ، އެމެރިކާގެ ނޯރތު ކެރޮލައިނާ ޔުނިވަރސިޓީން އީޖާދު ކުރި ބޭހެކެވެ. މި ބޭހަކީ ކޮވިޑް19ގެ އާދައިގެ އަލާމާތްތައް ހުންނަ ފަރާތްތަކަށް ދޭން ތައްޔާރު ކޮށްފައިވާ އެންޓިވައިރަލް ބޭހެކެވެ.
