އިންޑިއާގެ މަރުކަޒީ ތަހުގީގު އިދާރާއިން ފޯއް ހޯދުމަށް 19 ތަނެއް ފާސްކޮށްފިއެވެ. ތަހުގީގީ އިދާރާއިން ހޯދަން މަސައްކަތް ކުރީ ވަގަށް އެތެރެ ކޮށްފައިވާ ފެންވަރު، ދަށް ފޯއް ފެނޭތޯއެވެ.
އިންޑިއާއަކީ ދުނިޔޭގައި ދެ ވަނައަށް އެންމެ ގިނައިން ފޯކުގެ ދަނޑުވެރިކަން ކުރާ ގައުމެވެ. އެހެން ނަމަވެސް މޫސްގޯސްވުމާއި މަތިވަރު ދަށް ވުމުގެ ސަބަބުން ކަރްނާޓަކާއާއި މަހާރާޝްޓްރާގައި ފޯކުގެ ދަ ނޑުވެރިކަން ދަށަށް ދެއެވެ. އެހެންވުމުން ބޭރުން އެތެރެ ކުރަންވެސް ޖެހެއެވެ.
މަރުކަޒީ ތަހުގީގީ އިދާރާ ސެންޓްރަލް ބިއުރޯ އޮފް އިންވެސްޓިގޭޝަނުން ބުނިގޮތުގައި ކަސްޓަމްސްގެ ބަޔަކާއި އާންމުންގެ ބަޔަކު ވެގެން ވަގަށް އިންޑިއާއަށް ފޯއް އެތެރެ ކުރާކަމުގެ މައްލޫމާތު ވަނީ ލިބިފައެވެ.
އިންޑިއާގައި އެކި ހިސާބުގައި ފުރަ ބަންދާ ގުޅިގެން ފޯކުގެ އަގު ވަނީ 50 ބޮޑު ވެ، ކިލޯއެއް 300 ރުޕީސްއަށް އަރާފައެވެ.
އިންޑޮނޭޝިއާގެ ފެންވަރު ދެރަ ފޯއް އެތެރެ ކުރަނީ، އެއީ ސާކުގެ ގައުމަކުން އެތެރެ ކުރާ އެއްޗެއްކަމަށް ހަދައި ވަގު ސެޓިފިކެޓާއި ބިލްތައް ހުށަހަޅައިގެންނެވެ. ވަގަށް ފޯއް އެތެރެ ކުރުމުން އިންޑިއާއަށް އަހަރަކު ކަސްޓަމްސް ޑިއުޑީން 150 ބިލިއަން ރުޕީސް ގެއްލެއެވެ.
