އަފްޣާނިސްތާންގައި ސިފައިންނާ ދެމެދު ހަމަލާތައް ބަދަލުކޮށް، ތާލިބާނުން ހިފާ ޓޭންކާއި ބޮޑު ބަޑިއާއި ކުދި ހަތިޔާރުތައްވެސް އަފްޣާނިސްތާން ސަރަހައްދު ހުރަސްކޮށް ޕާކިސްތާނަށް ވައްދަމުންދާ ކަމަށް އަފްޣާނިސްތާންގެ ދާޚިލީ ވަޒިރު ވިދާޅުވެއްޖެއެވެ. އޭނާ ވިދާޅުވީ މިގޮތަށް ކަންކުރާ ފަރާތްތަކާ ދެކޮޅަށް އަފްޣާނިސްތާން ސިފައިން ބާރުގެ ބޭނުން ކުރާނެ ކަމަށެވެ.
ތާލިބާނުން ބުނިގޮތުގައި މިއީ އަފްޣާނިސްތާން ސިފައިން ދައްކާ ފުލޯކު ވާހަކައެވެ.
އަފްޣާނިސްތާނުން ބުނާ ގޮތުގައި ތާލިބާނުން މި ތަކެތި ޕާކިސްތާން ސަރަހައްދަށް ވައްދަނީ ޒާބުލް ޕްރޮވިންސް މެދުވެރިކޮށެވެ.
ތާލިބާނާއެކު، އަފްޣާނިސްތާންގައި އެހެން ހަނގުރާމަވެރި ޖަމާއަތްތަކުންވެސް ހަނގުރާމަ ކުރަމުން ދެއެވެ.
އެމެރިކާ ސިފައިން އަފްޣާނިސްތާނުން ފައިބައިގެން ދާއިރު ތާލިބާންގެ އަތް ދަށަށް ބައެއް ސަރަހައްދުތައް ދާކަމަށް ރިޕޯޓްތައް ބުނެއެވެ. ނަމަވެސް ކިތައް ޑިސްޓްރިކްޓްކަމެއް ސާފެއް ނުވެއެވެ. އުތުރުގައި ހަތަރު ޑިސްޓްރިކްޓް ތާލިބާން އަތްދަށަށް ގޮސްފައިވާ ކަމަށާއި ގަޒްނީ ޕްރޮވިސްގައި 18 ޑިސްޓްރިކްޓެއް ތާލިބާން އަތް ދަށަށް ގޮސްފައި ވާ ކަމަށް ބުނެފައި ވެއެވެ.
