ކެނެޑާގައި ލޮރިއެއްގައި އައި މީހަކު ޕާކިސްތާން އާއިލާއެއް ޗިސްކޮށްލައި މަރާލި ހާދިސާއަށް ފަހު އަނެއްކާވެސް ޕާކިސްތާން މީހަކަށް ކެނެޑާގައި ވަޅިން ހަމަލަ ދީފިއެވެ.
ސަސްކެޓޫން ސިޓީގައި މި ހާދިސާ މެދުވެރިވީ މުހައްމަދު ކާޝިފު ރޭގަނޑު ގެއަށް ދިޔަ މަގުމަތީގައެވެ. އޭނާ ހުރީ ޕާކިސްތާންގެ ގައުމީ ހެދުމުގައެވެ. އޭނާއާ ދިމާ ކުރި ދެމީހުން އޭނާއާ ސުއާލު ކުރީ އޭނާ ލައިގެން ހުރި ހެދުން ލައިގެން ހުރީ ކީއްވެގެން ކަމަށާއި އަދި މުސްލިމުން ދެމެ އެމީހުން ފޫހިވާ ކަމަށެވެ. އަދި އެނބުރި ގައުމަށް ދިއުމަށްވެސް އޭނާއަށް އެމީހުން އެންގިއެވެ.
މިމީހުން ދިޔައީ ކާޝިފްގެ ތުނބުޅިން ބައެއް ބާލައި އޭނާގެ އަތަށާއި ބުރަކަށްޓަށް ވަޅި ޖެހުމަށް ފަހުއެވެ. އޭނާގެ ޒަޚަމްތަކަށް 19 ގޮތް ޖަހަން ޖެހުނެވެ.
ފުލުހުން ސިފަ ކުރިގޮތުގައި މިއީ ނަސްލީ ތަފާތު ކުރުމުގެ އަމަލެކެވެ. މިކަން ކުރި ބަޔަކު އުޅެނީ ހުދު މީހުންގެ ބާރުގަދަ ކުރާށެވެ. އަދި އެބަޔަކު ހޯދާނެ ކަމަށް ފުލުހުން ބުންޏެވެ.
ކާޝިފު އަކީ ކެނެޑާގައި ދިރިއުޅޭތާ 20 އަހަރު ވެފައިވާ މީހެކެވެ. އޭނާ ބުނީ ކަން އޮތް ގޮތުން މިހާރު ބިރު ހީވާކަމަށެވެ.
