އަފްޣާނިސްތާނުން އެމެރިކާއާއި ނޭޓޯ ސިފައިން ފައިބައިގެން ދާއިރު ފެންނަނީ، އަފްޣާނިސްތާން އަހްލީ ހަނގުރާމައަކަށް ވެއްޓިދާނެ ކަމުގެ މަލަމަތިކަމަށް އަފްޣާނިސްތާންގައި ހުންނަވާ އެމެރިކާގެ އިސް ކޮމާންޑަރު ވިދާޅުވެއެވެ. އަފްޣާނިސްތާންގައި އެމެރިކާއިން ވަނީ 20 އަހަރު ވަންދެން އަސްކަރީ ހައްލަކަށް ބާރުއަޅާ ފައެވެ. ޖެނެރަލް އޮސްޓިން މިލަރ ވިދާޅުވުގޮތުގައި އިތުރަށް އަފްޣާނިސްތާންގައި އަސްކަރީ ހައްލަކަށް ދާކަށް އެމެރިކާ ބޭނުމެއް ނުވެއެވެ.
އޭނާ ވިދާޅުވިގޮތުގައި އަފްޣާނިސްތާންގެ އުތުރުގައި ތާލިބާނުން ބިންތައް ހިފައި ހަނގުރާމަ ފުޅާ ކުރަމުން ދިއުމުގެ މާނައަކީ ތާލިބާނުން ސުލްޙަ އަށް ތައްޔާރަށް ނެތް ކަމެވެ.
ނިއުޔޯރކް ޓައިމްސްއިން ރިޕޯޓް ކޮށްފައިވާ ގޮތުން އެމެރިކާ ސިފައިން ކުރިން ކަނޑައަޅާފައިވާ މުއްދަތަށް ވުރެން ކުރިން އަފްޣާނިސްތާނުން ފައިބައިގެން ހިނގައި ދާނެއެވެ. ބެލެވޭ ގޮތުގައި 4 ޖުލައި އަށް އެންމެން ފައިބަފާނެއެވެ.
އެމެރިކާއިން މިހާރު ނިންމައި ފައިވަނީ ރަސްމީކޮށް ސިފައިން ފޭބިނަމަވެސް އަފްޣާނިސްތާންގައި ބައެއް ސިފައިން އެމްބަސީތަކުގެ ރައްކަލަށް ބޭތިއްބުމަށެވެ.
