އިންޑިއާގެ ކަޝްމީރު ސަރަހައްދަށް ޕާކިސްތާނާ ވީފަޅިން މިއަދު ޑްރޯންތަކެއް އައިސް ވަނުމުން އިންޑިއާ ސިފައިން ރައްދު ހަމަލަ ދީ ފިއެވެ.
ޖޫން 27ގައި އިންޑިއާގެ ކަޝްމީރުގެ ހައި ސެކިއުރިޓީ ސަރަހައްދަކަށް މެންދަން ގަޑީގައި ޕާކިސްތާނުގެ ސަރަހައްދުން އައި ދެ ޑްރޯނަކުން ގޮވާތަކެތި ވައްޓާލުމުން ސިފައިންގެ ދެމީހަކަށް ހާނީއްކަ ވިއެވެ.
ކަޝްމީރުގެ އަރްނިއާ ސެކްޓަރގައި ޕާކިސްތާނާ ވީފަޅިން ޑްރޯންތައް އަންނަތަން ފެނިގެން ބޯޑާ ސެކިއުރިޓީ ގާޑުން އެތައް ބުރަށް ބަޑި ޖަހައިގެންވެސް މި ޑްރޯންތަކަށް އަމާޒުވާ ގޮތެއް ނުވިއެވެ. ނަމަވެސް މި ސޮރުމެން ވަނީ އަނބުރައި ޕާކިސްތާން ސަރަހައްދަށް ވަދެފައެވެ.
ސުޕްޓްނިކުން ރިޕޯޓް ކުރިގޮތުގައި 27 ޖޫންގެ ހާދިސާއަށް ފަހު ޕާކިސްތާނާވީ ފަޅިން، ހޯމަ ދުވަހާއި އަންގާރަ ދުވަހާއި ބުދަ ދުވަހުވެސް ކަޝްމީރަށް ޑްރޯންތައް ވަދެފައި ވެއެވެ.
އިންޑިއާ ސިފައިން ބުނާ ގޮތުން އެމީހުނަށް ވައްޓާލެވިފައި ވަނީ އެންމެ ޑްރޯނެކެވެ.
އިންޑިއާއިން ލަފާ ކުރާ ގޮތުގައި މި ޑްރޯން ހަމަލަތަކަކީ ޕާކިސްތާނުން އޮޕަރޭޓް ކުރާ ލަޝްކަރޭ ތޮއްޔިބާ ޓެރަރިސްޓް ޖަމާއަތުން އުދުއްސާ ޑްރޯން ތަކެކެވެ. މިމީހުންނަކީ ޕާކިސްތާންގެ ސަލާމަތީ ފަރާތްތަކުން ރައްކާތެރިކަން ލިބިގެން އުޅޭ ބައެއްކަމަށްވެސް އިންޑިއާއިން ތުހުމަތު ކުރެއެވެ.
