ސޫރިޔާގެ އަހުލީ ހަނގުރާމައަށް 10 އަހަރު ވީއެވެ. ބައިނަލްއަގްވާމީ މުޖުތަމައިން ވަނީ ސޫރިޔާގެ ރައްޔިތުންނަށް ޣަދަރުވެރި ވެފައެވެ. ކުރިއަށް މިއޮތް ދެ ހަފްތާ ތެރޭގައި އދގެ ސަލާމަތީ މަޖިލީހުން ސޫރިޔާގެ މީހުންނަށް އެހީތެރިވުމަށް ފިޔަވަޅެއް ނާޅައިފިނަމަ، ސޫރިޔާގެ ހުޅަނގު އުތުރުގައި ތިބޭ ރެފިއުޖީން ހާލުގައި ޖެހޭނެއެވެ.
އދގެ ސަލާމަތީ މަޖިލީހުން 2014 ވަނަ އަހަރުގެ ޖުލައި 14 ވަނަ ދުވަހު ފާސްކޮށްފައިވާ 2165 ގަރާރުން، ސޫރިޔާގެ ސަރުކާރާ ނުބައްސައި ރެފިއުޖީންނަށް އެހީވެ ދިނުމަށް އެގައުމުގެ ސަރަހައްދުން ހަތަރު ދިމާލެއް ހުޅުވާފައި ބޭއްވުމަށް ސަލާމަތީ މަޖިލީހުން ނިންމާފައި ވެއެވެ. މި ގަރާރުގެ މުއްދަތު މި މިމަހުގެ 14އަށް ހަމަވާނެއެވެ.
ސަލާމަތީ މަޖިލީހުން މި ގަރާރު އައު ނުކޮށްފިނަމަ، ހަތަރު މިލިއަން މީހުން ބަނޑަށް ޖެހުމާ ގާތެވެ. މިމީހުންނަކީ ބައްޝާރުލް އަސަދުގެ ދަނގަނޑު ގޮށްމުށުން ސަލާމަތްވާން ފިލައިގެން ގޮސް ރައްކަލުގައި ތިބި މީހުންނެވެ.
ސޫރިޔާގައި ބާއްވާފައިވާ އިންތިޚާބްގައި ބައްޝާރު ވަނީ ހަތް އަހަރުގެ މުއްދަތަކަށް 99 އިންސައްތައިން ހޮވިފައެވެ. ބައްޝާރަށް އެހީތެރިވެ ދެނީ ރަޝިޔާއިން ނެވެ.
