ތުރުކީވިލާތުގައި އުފައްދާފައިވާ ބެޓެރިން ދުއްވާ ރޭލެއް ރުމޭނީއާއަށް އެކްސްޕޯޓް ކޮށްފިއެވެ. މިއީ ދުނިޔޭގައި ދިގު ރާސްތާއަކަށް ސިޓީ ރޭލެއް ބެޓެރިން ދުއްވާ ރޭލެއް ދަތުރުކުރާ ފުރަތަމަ ފަހަރެވެ. ތުރުކީން ބުނިގޮތުގައި މި ރޭލަކީ، ސައްތައިންސައްތަ ތުރުކީގެ އިންޖިނޭރުން އަމިއްލައަށް އުފައްދާފައިވާ އުފެއްދުމެވެ.
ތުރުކީވިލާތުން ރުމޭނިއާގެ ދެ ސިޓީއަކުން ހުޅުވާލި ބީލަމަށް ކުރިމަތި ލައިގެން ދެ ސިޓީގެ މަގުތަކުގައި ދުއްވާ ރޭލް އެކަސްޕޯޓް ކުރުމަށް ނިންމާފައި ވަނީ ދެ ފިޔަވައްސަކަށް ބަހައިލައިގެންނެވެ. މި ޕޮރޮޖެކްޓްގެ އަގު 115 މިލިއަން ޔޫރޯއަށް އަރާނެ ކަމަށް ބެލެވެއެވެ.
މި ރޭލްގައި އެއް ފަހަރާ 200 މީހުން އުފުލެއެވެ. މި ރޭލުގެ ބެޓެރި ޗާޖް ކުރުމަކާ ނުލައި 63 ކިލޯމީޓަރަށް ދަތުރުކުރެއެވެ.
ތުރުކީން ވަނީ 2015 ވަނަ އަހަރު ޗެކް ރިޕަބްލިކްގެ ސްކޯޑާ ކުންފުނިން އުގފެއްދި ބެޓެރިން ދުއްވާ ރޭލެއް ތުރުކީގެ ކުންޔާ ސިޓީގައި ދުއްވުމަށް ގަނެފައެވެ. މި ރޭލްގެ ބެޓެރިން ދަތުރުކުރަނީ އެންމެ ތިން ކިލޯމީޓަރަށެވެ.
