ޗައިނާގެ ހެކަރުން އަފްޣާނިސްތާންގެ ރައީސްގެ އޮފީހުން ޑޮކިއުމެންޓްތަކެއް ވަގަށް ނެގުމަށް މަސައްކަތް ކޮށްފިއެވެ. ސައުތު ޗައިނާ މޯނިންގ ޕޯސްޓުން ބުނިގޮތުގައި ޑްރޮޕްބޮކްސް ބޭނުންކޮށްގެން ޗައިނާ ބަހުން ވާހަކަ ދައްކާ އިންޑިގޯޒިބްރާ ހެކަރުން ވަނީ ވައިރަސް ފޮނުވައިގެން އަފްޣާނިސްތާންގެ ރައީސް އޮފީސް ހެކްކުރަން އުޅެފައެވެ.
ޗައިނާއަކީ، ދުނިޔޭގައި ފުޅާދާއިރާއެއްގައި މަޢްލޫމާތުގެ ރަސްމަގުގައި މަގުފޭރޭކަމަށް ތުހުމަތު ކުރެވޭ ގައުމެކެވެ. ޗައިނާ ސަރުކާރުން މިވާހަކަތައް ދޮގު ކުރެއެވެ.
އަފްޣާނިސްތާންގެ ރައީސް އޮފީހަށް ހަމަލަ ދިންކަމުގެ މަޢްލޫމާތު ހާމަކޮށްފައި ވަނީ އެމެރިކާ އިޒްރޭލުގެ ސައިބާސެކިއުރިޓީ ފާމް ޗެކް ޕޮއިންޓް ރިސާޗް (ސީޕީއާރް) އިންނެވެ.
ސީޕީއާރްގެ ރިސާޗަރ އަރްކަމް އަޙްމަދު ކިޔައިދިން ގޮތުގައި މި މައްސަލަ ބޭޒާރުވީ ސަރުކާރުގެ އީމެއިލް އެޑްރެހަކުން އައި، މެއިލްއެއްކަމަށް ބެލެވުނު މެއިލްއެއްގައި ވައިރަސް އެޓޭޗްމެންޓެއް އޮވެގެންނެވެ. އެ އެޓޭޗްމެންޓަކީ އެއަށް ފިއްތާލައިފިނަމަ، ޑޮޕްބޮކްސްގައި ފައިލެއް ހުޅުވި ޑޮކޮއިމެންޓްތައް އެއަށް ކަހާލައި ދޭ އެއްޗެކެވެ.
އަރްހަމް ބުނިގޮތުގައި ސެންޓްރަލް އޭޝިއާއަށް މިފަދަ ހަމަލަތަކެއް މިފަހުން އަމާޒު ކުރެވިފައި ވެއެވެ. މިއީ މިފަދަ އެންމެ ފަހުގެ ހަމަލައެވެ.
ރަޝިޔާގެ އެންޓިވައިރަސް ކެސްޕާސްކީން ތުހުމަތު ކުރާ ގޮތުގައި މެދުތެރޭ އޭޝިއާއަށް މިދިޔަ ތަނުގައި ހަމަލަ ދީފައި ވަނީ އިންޑިގޯޒިބްރާއިން ނެނެވެ. އަރްކަމް ބުނިގޮތުގައި އިންޑިގޯޒިބްރާއަކީ ޗައިނާގައި ތިބޭ ބައެކެވެ.
