އުއިގޫރު ދަރިކޮޅުގެ ޕްލާންޓް ބައެލޮޖީ ޓީޗަރެއްގެ މަރުގެ މައްސަލާގައި މީސްމީޑިއާގައި ޗައިނަ ސަރުކާރަށް ފާޑު ކިޔުން އަމާޒުކޮށްފިއެވެ. އުމުރުން 29 އަހަރުގެ މިހިރީ އެރްކަމް، ޖަޕާނުން ޗައިނާއަށް ދިޔައީ، 2020ގެ ޑިސެމްބަރުގައެވެ. އޭނާ ކަޝްގަރުގެ ހުރަގެއެއްގައި ބަންދު ކުރިފަހުން، އޭނާގެ ވީނުވީއެއް ވަނީ ނޭނގިފައެވެ. ފޮޓޯގައި މިވަނީ އަބްދުލް ވަލީ އޭނާގެ ކޮއްކޮ ހޯދުމަށް މީސްމީޑިއާގައި ބޭނުން ކުރާ ފޮޓޯއެވެ.
އެރްކަމް އުޅުނީ ޖަޕާނުގެ ނާރާ ޓެކްލޮނޮލޮޖީ ޔުނިވަރސިޓީގައި ރިސާޗަރއެއްގެ ވަޒީފާގައެވެ. އޭނާގެ މަންމަގެ ތަކުރާރުކޮށް ޝިންޖިއާންއަށް އައުމަށް އެދުމުން އޭނާ ޖޫން މަހު ވަޒީފާ ދޫކޮށް އެނބުރި ދިޔައީއެވެ.
އާއިލާ މީހުން ތުހުމަތު ކުރާ ގޮތުގައި އޭނާ ހުރަގޭގައި ގެންގުޅެނިކޮށް މަރުވީއެވެ. ނުވަތަ މަރާލީއެވެ. މަސްއޫލު ފަރާތްތަކުން އޭނާގެ ވާނުވާ އާއިލާއަށް ކިޔައި ދީފައެއް ނުވެއެވެ. އަދި އޭނާގެ މަހާނައެއް ހުރިކަމެއްވެސް އެއްވެސް މީހަކަށް ނޭނގެއެވެ.
އެރްކަމްގެ ބައްޕަ އެރްކަމް އައްޔޫބު އަކީ ޗައިނާ ސަރުކާރު މުވައްޒަފެކެވެ. އޭނާ ޖަޕާނަށް ކިޔަވަން ދިޔަ ފަހުން އޭނާގެ ބޮޑު ދައިތަ، ސާޖިދާ ގުލް އައްޔޫބުއާއި ބައްޕަ ސަރުކާރުން ހައްޔަރު ކުރީއެވެ. ސާޖިދާ އަކީ ޓީޗަރެކެވެ.
އޭނާގެ ބޮޑު ބޭބެ އަބްދުލް ވަލީ އައްޔޫބު ބުނާ ގޮތުން އޭނާ އަނބުރައި ޝިންޖިއާންއަށް ގެނައުމަށް ޗައިނާ ސަރުކާރުން އޭނާގެ މަންމަ ބޭނުން ކުރީއެވެ. އަބްދުލް ވަލީ ވަނީ މީސްމީޑިއާގައި އެރްކަމް ހޯދަން ކެމްޕޭނެއް ފަށާފައެވެ. (ވޮއިސް އޮފް އެމެރިކާ)
