ޝިންޖިއާންއަށް ޒިޔާރަތް ކުރުމުގެ ކުރިން ވިލާތު އިއްތިހާދުން ޝަރުތުތަކެއް ކަނޑައަޅާ ކަމަށް އީޔޫއަށް ކަނޑައަޅައިފައިވާ މިޝަނުން ބުނެފިއެވެ. އަދި ޗައިނާއަށް އީޔޫއިން ހުށަހަޅާ ޝަރުތުތަކަކީ، އަމިއްލަ ސިޔާދަތު އޮންނަ ގައުމަކުން ބަލައިގަންނާނެ ހުށަހެޅުންތަކެއް ނޫން ކަމަށް ޗައިނާއިން ބުނެއެވެ. ޗައިނާއިން ބުނިގޮތުގައި ޝިންޖިއާންއަށް ޒިޔާރަތް ކުރުމަށް ޗައިނާއިން ވާނީ ޔޫރަޕްގެ ޖަމާއަތަށް ކުރިންވެސް ދައުވަތު ދީފައެވެ.
ޗައިނާއިން ބުނާ ގޮތުން މިދިޔަ ތާނގައި ޔޫރަޕުން ޝިންޖިއާންގެ ނަމުގައި ދައްކާފައިވާ ވާހަކަތަކަކީ، ޗައިނާގެ އަގު ވައްޓާލުމަށް ދައްކާފައިވާ ވާހަކަތަކެއް ކަމަށާއި އަދި މިފަދަ ވާހަކަތަކަކީ، ޗައިނާއިން ބަލައިގަންނަ ވހަކަތަކެއް ނޫން ކަމުގައި ބުންޏެވެ.
2014ގައި ޗައިނާއިން ޖަލަށް ލާފައިވާ އިގްތިސާދީ އިލްމުގެ ޕރޮފެސަރ އިލްހާމް ތުހުތީގެ ވާނުވާ ނޭނގޭތީ އޭނާގެ މައްސަލާގައި މަޢްލޫމާތު ދިނުމަށް ޔޫރަޕުން ވަނީ އެދިފައެވެ. އޭނާ ޖަލަށް ލާފައިވަނީ ކުރިން ޗައިނާ އިން ބުނެފައިވާ ގޮތުން ބަޣާވާތަކާ ގުޅިގެންނެވެ.
އިންސާނީ ހައްގުތަކަށް މަސައްކަތް ކުރާ ފަރާތްތަކާ އދން ބުނާ ގޮތުގައި ޗައިނާއިން ޝިންޖިއާންގައި ދެ މިލިއަން މުސްލިމުން ހުރަގެއަށް ލައިގެން ގެންގުޅެއެވެ.
ޗައިނާއިން ބުނަނީ ޝިންޖިއާންގެ 25 މިލިއަން މީހުން ފަގީރުކަމުން ސަލާމަތް ކުރުމަށް ޗައިނާއިން ކޮށްފައިވާ މަސައްކަތް އެނގޭނީ އެހިސާބުގަނޑުގެ ރައްޔިތުންނަށެވެ.
