ސްރީލަންކާގެ ހުއިފިލަނޑާ ނަގަން އުތުރުގައި މަސައްކަތް ކުރާ މީހުންގެ ވިޔަފާރިއަށް ޗައިނާ ކުންފުންޏަކުން ހުރަސް އަޅާތީ އެކަމުގެ ޝަކުވާ ބޮޑުވެއްޖެއެވެ. އުތުރުގެ ކޮއިތަރިމުލާއި ސަރަހައްދުގެ ފަޅުތެރޭގައި ހުއިފިލަނޑާ އާލާކުރަން އުޅޭ މީހުން މަސައްކަތް ކުރާ ސަރަހައްދުގައި ޗައިނާ ކުންފުންޏަކުން ވަނީ ދާޖަހައިގެން ބޮޑު ސަރަހައްދެއް ވަކިކޮށްފައެވެ. ޗައިނާއިން މި މަސައްކަތުގައި އުޅެނީ، ޗައިނާ ބަޔަކާއި ސްރީލަންކާ މީހަކާ ގުޅިގެން އުފައްދާފައިވާ ކުންފުންޏަކުންނެވެ.
ސަންޑޭޓައިމްސްއިން ރިޕޯޓް ކުރިގޮތުގައި މިމީހުން ދާޖަހައިގެން ސަރަހައްދު ވަކި ކުރީ އެމީހުންނަށް އަދި ސަރުކާރުން ހުއްދަ ދީފައި ނުވަނީހެވެ.
މަސްވެރިން ބުނި ގޮތުގައި މިގޮތަށް ޗައިނާ މީހުން ފަޅު ހިފުމުން، އެމީހުންނަށް ޑިނގާއާއި، ހުއިފިލަނޑާ އާލާ ކުރުމުގެ މަސައްކަތް ކުރާނެ ތަނެއް ނެތެވެ. ސްރީލަންކާގެ ފިޝަރީޒް މިނިސްޓްރީން ބުނެފައި ވަނީ މިމައްސަލަ ބަލައި މިކަން ހައްލު ކޮށްދޭނެ ކަމަށެވެ.
