އެމެރިކާގެ އިންސާނީ ވަގުފާރިއާ ބެހޭ ރިޕޯޓްގައި، ޖައްސަ ޖައްސައިގެން ފަސްވަނަ އަހަރަށް ޗައިނާ ލިސްޓް ކޮށްފިއެވެ. އެމެރިކާގެ 2021 ޓްރެފިކިންގ އިން ޕާސަންސް ރިޕޯޓް (ޓިޕް) ގައި ގައުމުތައް ބަހާފައި ވަނީ ތިން ގިންތިއަކަށެވެ. ތިން ވަނަ ގިންތީގައި ހިމެނޭ ގައުމުތަކުގެ ތެރޭގައި ޗައިނާއާއި އެކު ރަޝިޔާއާއި މެލޭޝިއާ ލިސްޓް ކޮށްފައި ވެއެވެ.
ތިން ވަނަ ގިންތީގައި ހިމެނޭ ގައުމުތަކަކީ، ވަގުފާރި ކުރުވުން ހުއްޓުވުމުގައި ފިޔަވަޅު އެޅުމުގައި ނުކުޅެދޭ، ނުވަތަ ވަގުފާރި ކުރާ މީހުންގެ ޝަރީއަތް ނުކުރުމަށް ނުކުޅެދޭ ގައުމުތަކުގެ ގިންތިއެވެ. ޗައިނާ ތިން ވަނަ ގިންތީގައި އޮންނަތާ މިހާރު ފަސް އަހަރު ވެއްޖެއެވެ.
އެމެރިކާއިން ޗައިނާއަށް ތުހުމަތު ކުރަނީ ޝިންޖިއާންގައި ގަދަކަމުން މީހުން ލައްވައި މަސައްކަތް ކުރުވާ ކަމަށާއި ޗައިނާގެ ބެލްޓް އެންޑް ރޯޑް ޕްރޮޖެކްޓްތަކުގައި ގަވާއިދާ ޚިލާފަށް މީހުން ގެންގުޅޭ ކަމަށެވެ. ޗައިނާއިން އެމެރިކާގެ ތުހުމަތުތައް ދޮގު ކުރެއެވެ.
ޓިޕްސް ރިޕޯޓްގައި ޗައިނާއާ ބެހޭ ގޮތުން އިތުރަށް ބުނެފައި ވަނީ ޝިންޖިއާންގައި މިލިއަނަކަށް ވުރެން ގިނަ މުސްލިމުން 1200 ހުރަގޭގައި ގެން ގުޅޭ ކަމަށާއި އަދި އެސަރަހައްދުގައި މީހުންނާ ދެކޮޅަށް ފާރަވެރިވާ ޒާތުގެ ޓެކްނޯލޮޖީ ބޭނުން ކުރާ ކަމަށެވެ. ޝިންޖިއާންގެ އިތުރުން ޓިބެޓާ ބެހޭ ގޮތުން ބުނެފައި ވަނީ އަސްކަރީ ކޭމްޕްތައް ފަދަ ތަންތާނގައި އެ ސަރަހައްދުގެ ބައި މިލިއަން މީހުން ގެންގުޅޭ ކަމަށެވެ.
