ބޯއި ސްކައުޓްގައި އުޅުނު ޅަ ފރިހެން ކުދިންނާ ބެހިގެން ބަދަލު ހޯދުމަށް ކޮށްފައިވާ ދައުވާގައި، ބަދަލު ދިނުމަށް ކޯޓުން ޙުކުމް ކޮށްފިއެވެ. ބޯއި ސްކައުންޓުންގެ ގޮތުގައި އުޅުނު އެތަކެއް ހާސް ޅަ ފިރިހެން ކުދިންނާ އެއް ޖިންސުގެ ޖިންސުން ބެހިގެން ބޯއި ސްކައުޓް ޖަމުއިއްޔާ އާ ދެކޮޅަށް ދައުވާ ކުރުމުން ބަދަލުގެ ގޮތުގައި 850 މިލިއަން ޑޮލަރު ދައުވާ ލިބޭ ފަރާތްތަކަށް ދިނުމަށް ޙުކުމް ކޮށްފައި ވެއެވެ.
110އަހަރު ވީ އެމެރިކާގެ މި ޖަމުއިއްޔާއާ ދެކޮޅަށް ދައުވާ ކޮށްފައި ވަނީ، 84ހާސް ފަރާތަކުންނެވެ. މިއިން ބައެއް މީހުންނަކީ އެމީހުންގެ އުމުރުގެ 60އާއި 70ގެ އަހަރު ތަކުގައި އުޅޭ މީހުންނެވެ.
މިމީހުންގެ ދައުވާގައި ބުނެފައި ވަނީ ބޯއި ސްކައުޓްގެ ވޮލަންޓިއަރުންނާއި ބޯއި ސްކައުޓް ލީޑަރުންގެ ޖިންސީ ޝިކާރައަކަށް އެމީހުންވި ކަމަށެވެ.
މިއީ، އެމެރިކާގެ ތާރީޚުގައިވެސް މިހާތަނަށް ކުޑަ ކުދިންތަކަކާ ބެހިގެން މިހައި ގިނަ އަދަދެއްގެ ބަޔަކު ދައުވާކޮށް މިހާ ބޮޑު ބަދަލެއް ދޭން ކޯޓުން ޙުކުމް ކުރި ފުރަތަމަ ފަހަރެވެ. (އެންބީސީ ނިއުސް)
