ޕާކިސްތާނަށް ދިމާވެފައިވާ، ތެލާ ގޭހާއި ކަރަންޓް އުފެއްދުމުގެ މައްސަލައަށް ހައްލެއް ހޯދުމަށް އޭޝިއަން ޑިވެލޮޕްމެންޓް ބޭންކް (އައިޑީބީ) އިން ލޯނެއް ނެގުމަށް ނިންމައިފިއެވެ. ތިން އަހަރު ދުވަސްތެރޭގައި ބޭނުން ކުރާ ގޮތަށް މި ނަގާ 4.5 ބިލިއަން ޑޮލަރުގެ ލޯނަކީ، ތެލާއި ގޭހާއި ސާފު ކޮށްފައި ނުވާ ތެޔޮ ގަތުމަށް ބޭނުން ކުރާނެ ފައިސާއެވެ.
ޕާކިސްތާންގައި ދޭތެރޭން ކަރަންޓް ކެނޑިގެން ދިއުން ވަނީ އާންމު ކަމަކަށް ވެފައެވެ. މި ކަން ދިމާވެފައި ވަނީ ޖޭލުމް ކޯރާއި އިންޑުސް ކޯރުގައި ފެން މަދުވުމުގެ ސަބަބުން ފެނުން ކަރަންޓް އުފެއްދުމުގައި ދަތިތަކެއް ދިމާ ވުމުންނެވެ.
އިދިކޮޅު ފަރާތްތަކުން ބުނާ ގޮތުގައި ކަރަންޓް ކެނޑުގެ މައްސަލަ މިހާ ބޮޑު މައްސަލައަކަށް ވެފައި ވަނީ މައްސަލަ ހައްލު ކުރުމުގައި ސަރުކާރުން ފަހަތު ފަޔަށް ބުރަވެފައި އޮތުމުން ނެވެ. އަދި ގޭސް އުފުލާ އުޅަނދެއްވެސް އެހެލިގޮތަށް ސަރުކާރަށް އެ އުޅަނދު ބޭލިފައެއް ނުވެއެވެ.
އޭޝިއާ ޓައިމްސްއާ ވާހަކަ ދައްކަވަމުން ޕާކިސްތާންގެ އިކޮނޮމިސްޓް ފައްރުޚް ސަލީމް ވިދާޅުވީ ހުރިހައި ވެސް މައްސަލައަކީ ބޮޑު ވަޒީރު އިމްރާން ޚާންގެ ސަރުކާރަށް އިގްތިސާދު ހިންގަން ނޭނގުމެވެ.
