އިންޑިއާއާއި އެމެރިކާގެ ބޮޑެތި ޓެކްނޮލޮޖީ ކުންފުނިތަކާ ދެމެދުގެ ހަނގުރާމައަކީ އިންޑިއާއަށް ހައްލު ކުރަން ޖެހިފައިވާ މައްސަލައެކެވެ. އިންޑިއާއިން އެންމެ ފަހުން ޓުއިޓާއާ ދެކޮޅަށް ނެރުނު ވޮރެންޓްތަކުން އިންޑިއާގެ ގަވާއިދު ތަންފީޒު ކުރުމުގެ ދާއިރާ އޮތް ގޮތް ސާފު ވެއެވެ.
އިންޑިއާއިން އެމެރިކާގެ ބޮޑު ޓެކްނޮލޮޖީގެ ކުންފުންޏަކާ ދެކޮޅަށް ފިޔަވަޅު އަޅަން ބޭނުންނަމަ، ދެ ގައުމުގައި ސޮއިކޮށްފައިވާ މިއުޗުއަލް ލީގަލް އެސިސްޓެންސް މުއާހަދާގެ ބޭނުން ހިފަން ނިކަން އަވަހަށް ދިމާ ކުރެއެވެ. މި މުއާހަދާގެ ދަށުން އެންމެ ފުރަތަމަ ސްޓޭޓް ސަރުކާރަކުން އެމައްސަލައެއް ބެލުމަށްފަހު ފޮނުވަންވީ އިންޑިއާގެ ހޯމް މިނިސްޓްރީއަށެވެ. އެމިނިސްޓްރީން ބެލުމަށްފަހު އެކަމެއް އިންޑިއާގެ ޚާރިޖީ ވުޒާރާއަށެވެ. އެއަށްފަހު އެތަނުން އެމެރިކާގެ ޚާރިޖީ ވުޒާރާއަށެވެ. އަދި އެތަނުން ބެލުމަށްފަހު އެފްބީއައި އަށެވެ. އެފްބީ އައި އިން ގާޒީއަކަށް ދެއްކުމަށްފަހު ވޮރެންޓް ނެރެން އެދެންވީއެވެ. ދެން އެއަށްފަހު އެ އައި މަގުން ލައިގެން އިންޑިއާގެ ކަމާ ބެހޭ ފަރާތަށް ދާނީ އެވެ. މިގޮތަށް މި މައްސަލަ ދަތުރުކުރުމަށް 18 މަސް ދުވަސް ނަގައެވެ.
އެމެރިކާގެ ކޮންމެ ޓެކްނޮލޮޖީ ކުންފުންޏެއްގެ ޚިދުމަތަށް އެދޭ މީހުން އެތައް މިލިއަނުން އިންޑިއާގައި ތިބޭ އިރު އިންޑިއާއިން އަންނަ މިފަދަ އެދުންތައް ފުރިހަމަ ކުރުމަށް ވަކި އޮފީހެއް އެކަމަށް ހުޅުވާފައި ބަހައްޓަން ޖެހޭކަމަށްވެސް މިފަރާތްތަކުން ބުނެއެވެ.
ބޮޑެތި ކުންފުނިތަކުން ބުނާ ގޮތުގައި އިންޑިއާއިން އެމެރިކާގެ ގާނޫނެއް ކަމަށްވާ ކްލެރިފައިންގ ލޯފުލް އޯވަރސީސް ޔޫޒް އޮފް ޑޭޓާ (ކްލައުޑް) ގާނޫނު ތަންފީޒު ކުރަން ފަށައިފިނަމަ، އިންޑިއާއަށް ހޯދަން ބޭނުންވާ މައްލޫމާތު ބޮޑެތި ކުންފުނިތަކުން ހޯދަން ފަސޭހަ ވާނެއެވެ. މި ގާނޫނު ބުނާ ގޮތުން ބޮޑެތި ކުންފުނިތަކުން ގައުމެއްގައި ބަހައްޓާފައިވާ ސާވާގައި އެގައުމުގެ ބަޔަކާ ގުޅޭ ޑޭޓާ ހުރެއްޖެނަމަ، އެ ގައުމުގެ ސަރުކާރުން ވޮރަންޓަކާއެކު އެދުމުން އެޑޭޓާ ދޭން ވާނެއެވެ.
އިންޑިއާގައި އެމެރިކާގެ ބޮޑެތި ޓެކްނޮލޮޖީ ކުންފުނިތަކަށް ކުރިމަތި ވަމުންދާ ގޮން ޖެހުންތައް ހައްލު ކުރުމަށްޓަކައި އެމެރިކާ ސަރުކާރާއި އިންޑިއާ ސަރުކާރާއެކު އިތުރު އެއްބަސްވުންތައް ހަދައިފިނަމަ، މިކުންފުނިތަކުގެ އޮޕަރޭޝަންއަށް ފަސޭހަ ވެގެންދާނެ ކަމަށް ވެއެވެ. އަދި މުސްތަގްބަލުގައި މިފަދަ އެއްބަސްވުންތަކަށް ދިއުމަށް މަޖުބޫރު ވާނެ ކަމަށްވެސް ޓެކްނޮލޮޖީގެ ކުންފުނިތަކުން ބުނެއެވެ.
