ހެއިޓީގެ ރައީސް އަވަހާރަ ކޮށްލުމާ ގުޅިގެން އެގައުމުގެ ސަރުކާރާ ޙަވާލުވެ ވަޑައިގެން ވަގުތީ ބޮޑު ވަޒީރު ކްލައުޑް ޖޯސެފް ވަނީ ގައުމުގައި ކުއްލި ހާލަތު އިޢްލާން ކުރައްވާފައެވެ.
އެމެރިކާގެ ޑްގަރް އެންފޯސްމެންޓް އެޖެންސީގެ ބައެއްކަމަށް ޔުނިފޯމް އަޅައިގެން ތިބި ބަޔަކު ރިއާސީ ގަނޑުވަރަށް ވަދެ ރައީސްއާއި އަނބިކަނބަލުންނަށް ޙަމަލާދިނެވެ. މި ޙަމަލާގައި ރައީސް ޖޮވެނާލް މޫސް ވަނީ ވަގުތުން އަވަހާރަވެފައެވެ. އަނބިކަނބަލުން ހަސްފަތާލުގައި ފަރުވާ ދެމުން ދަނިކޮށް ވަނީ އަވަހާރަވެފައެވެ.
ހެއިޓީން ވަނީ ވައިގެ ބަނދަރު ބަންދުކޮށް އިންޓަރނޭޝަނަލް ބޯޑަރުތައް ބަންދުކޮށްފައެވެ.
ރައީސަށް ޙަމަލަ ދިން މީހުންނަކީ ކުލީ ސިފައިންގެ ބައެއް ކަމަށްވެސް ބުނެވެއެވެ. މިމީހުން ވާހަކަ ދެއްކީ ސްޕެނިޝް ބަހުންނާއި އިނގިރޭސި ބަހުންނެވެ.
ހެއިޓީއަކީ އެމެރިކާ ބައްރުގެ އެންމެ ފަގީރު ގައުމެވެ. ހަމަނުޖެހުން ބޮޑު ގައުމެކެވެ. ޑިކްޓޭޝަރޝިޕެއްގައި ގޮށްމުށުގައި އަހަރުތައް ވޭތިކޮށފައިވާ ގައުމެކެވެ.
