ޕާކިސްތާންގެ ބަލޯޗިސްތާން ސަރަހައްދުގެ މީހުން ބުނާ ގޮތުން އިސްލާމްއާބާދުގައި ކޮންމެ ސަރުކާރެއް އޮތަސް، އެ ސަރުކާރަކުން ބަލޯޗިސްތާނަށް ދައްކަނީ ދަޅައެވެ. ސިންދް އެކްސްޕްރެސްގައި ލިޔެފައިވާ ރިޕޯޓެއްގައި ބުނެފައި ވަނީ، ޕާކިސްތާންގެ ކުރީގެ ރައީސް އާސިފް ޒަރްދާރީން ފެށިގެން ޖެނެރަލް ޕަރްވޭޒް މުޝައްރަފުން މިހާރުގެ ވެރިންނާ ހަމައަށް އެންމެންވެސް ވަނީ ބަލޯޗިސްތާން މީހުންނަށް އޮޅުވާލާފައެވެ. ސިންދް އެކްސްޕްރެސްގައި މިސާލު ދައްކަމުން ބުނެފައި ވަނީ، ބަލޯޗިސްތާންގެ ސޫއީ ސަރަހައްދުން ގޭސް ނެގުމަށްފަހު، އެ ގޭސް، ގިލްގިޓް ބޯލްޓިސްތާނާއި ޕަންޖާބަށް ފޯރުވައި ދެވެއެވެ. ނަމަވެސް މި ގޭސް ސޫއީ ސަރަހައްދަށް ފޯރުވައި ދެވޭ ގޮތެއް ނުވާކަމަށެވެ.
ބަލޯޗިސްތާނަކީ، ޕާކިސްތާނަށްގެ ޚަޒާނާއަށް ގިނައިން ފައިސާ ވައްދައިދޭ ޕްރޮވިންސެކެވެ. ނަމަވެސް ތަފާތު ކުރުމުގެ ސަބަބުން ބަލޯޗިސްތާނުން ސަރުކާރަށް ލިބެންވާ ފައިދާއެއް ނުލިބެއެވެ.
މީގެ އިތުރުން ޗައިނާ ޕާކިސްތާން އިކޮނޮމިކް ކޮރިޑޯ ސީޕެކްގެ ޕްރޮޖެކްޓްތަކަކީވެސް އޭގެ ސަބަބުން ބަލޯޗިސްތާނަށް ދިގު ދެމިގެންވާ އަސަރުތަކެއް ކުރާ ޕްރޮޖެކްޓްތަކެވެ. ބަލޯޗިސްތާން ރައްޔިތުން މި ޕްރޮޖެކްޓްތަކާ ދެކޮޅު ހަދައެވެ. އެމީހުންގެ ޝަކުވާއަކީ އެމީހުންގެ ރޯ މާއްދާތައް ނަގައިގެން އެއިން ފައިދާ ނަގާއިރު، އެކަމުން އެމީހުންނަށް އެއްވެސް މުއްސަނދިކަމެއް ނުލިބޭ ކަމަށެވެ.
