އަފްޣާނިސްތާންގެ ބަދްގީސް ޕްރޮވިންސްގައި ބައެއް ސަރަހައްދުތަކަށް ތާލިބާނުން އަތްގަދަ ކުރުމަށް ފަހު އެތަންތަނުން އެމީހުން ފައްސާލައިފިއެވެ. ސިފައިން ވަނީ ތާލިބާންގެ 69 މީހުން މަރާލާފައެވެ.
ޒިންހުއާ ނޫސް އެޖެންސީން ބުނިގިތުގައި ކިލާއޭ ނިއުއަށް ތާލިބާނުން ދިން ހަމަލާގައި އެމީހުން ފައްސާލުމަށް އެތައް ދިމާއަކުން އަފްޣާނިސްތާން ސިފައިންނާއި ކޮމާންޑޯއިން ހަރަކާތްތެރިވިއެވެ. މި ހަމަލާތަކުގައި ސިފައިން ވަނީ ތާލިބާންގެ ހަތިޔާރުތައްވެސް އަތުލާފައެވެ.
ސަރުކާރުން ބުނާ ގޮތުގައި ބަގްދީސް ޕްރޮވިންސްގެ ކިލާއޭ ނިއު ތާލިބާންގެ އަތްދަށުގައި އޮތީ މަދު ވަގުތުކޮޅަކަށެވެ. ތާލިބާނުން ވަނީ ހަމަލާތައް ވަރުގަދަ ކޮށްފައެވެ.
އެމެރިކާގެ ޖާސޫސީ މަޢްލޫމާތުންވެސް ބުނަނީ، އެމެރިކާ ސިފައިން އަފްޣާނިސްތާނުން އެއްކޮށް ފައިބައިފިނަމަ، މަދު ދުވަސްކޮޅެއްގެ ތެރޭގައި ތާލިބާންގެ އަތްދަށަށް ކާބުލް ހިނގައިދާނެ ކަމަށެވެ.
