އެއްފަހަރާ ބޭނުންކޮށްފައި އެއްލައިލާ ޕްލާސްޓިކްގެ ބަދަލުގައި ތިމާވެއްޓާ ރައްޓެހި މާއްދާތައް ބޭނުން ކުރެވިދާނެކަން، ވޯލްމާޓުން ގަނެފައިބާ އިންޑިއާގެ ފްލިޕްކާޓުން ސާބިތުކޮށްދީފިއެވެ. ފްލިޕްކާޓުން ބުނެފައި ވަނީ، 2021ގައި އެކުންފުނިން އަމާޒުކޮށްފައިވާ އެއްފަހަރާ ބޭނުންކޮށްފައި އެއްލައިލާ ޕްލާސްޓިކުން ދުރުހެލި ވުމުގެ އަމާޒަށް މިހާރު ވަނީ ވާސިލުވެފައެވެ.
އޮންލައިން ވިޔަފާރީގައި މުދާ ބަންދުކުރާ އިރު، މުދާ ފޮށިގަނޑުގެ ތެރޭގައި ހަރުލައިފައި ބެހެއްޓުމުގެ ގޮތުން ބޭނުން ކުރަނީ ފުޅިމަދާއި ބޮކިން ފުއްޕާފައި ހުންނަ ޕްލާސްޓިކާއި ވައިއަޅާފައި ހުންނަ ޕްލާސްޓިކް ބާލީސް ކޮޅުތަކެވެ.
ފްލިޕްކާޓުން ބުނާ ގޮތުން ފޮށިތަކުގައި މުދާ ހަރުލެއްވުމަށް އެކުންފުނިން މިހާރު ބޭނުން ކުރަން ފަށާފައި ވަނީ ކޮށާފައި ހުންނަ ކަރުދާހާއި، ބޯކަރުދާހެވެ. އެހެންވެ، ފިލިޕްކާޓުގެ ޕެކޭޖްތަކަކީ ސައްތައިން ސައްތަ ތިމާވެށްޓާ ރައްޓެހި އިއާދަ ކުރެވޭނެ މާއްދާތައް ހިމެނޭ ތަކެއްޗެވެ.
ފްލިޕްކާޓުން ވަނީ އިންޑިއާގެ 70 މަރުކަޒެއްގައި މިފަދަ ވަސީލަތްތައް ބޭނުން ކުރަން ފަށާފައެވެ.
