ތާލިބާނުން ޗައިނާގެ ޝިންޖިއާންގ ސަރަހައްދަށް ފޯރައިފައިވާތީ، ޗައިނާއިން ތާލިބާން ކޮންޓްރޯލް ކުރުމަށް ޕާކިސްތާންގައި އެދެފިއެވެ. ޗައިނާގެ ޚާރިޖީ ވަޒީރު ވެންގ ޔީ ޕާކިސްތާންގައި މި ގޮތަށް އެދިވަޑައިގަތީ، ޗައިނާ ޕާކިސްތާންގެ ސިޔާސީ ގުޅުން ގާއިމް ކުރި 70ވަނަ އަހަރީ މުނާސަބާގެ ޚިތާބް ގައެވެ. އޭނާ ވަނީ، ޕާކިސްތާނުން ކޮވިޑް19 ކޮންޓްރޯލް ކުރުމަށާއި ޕާކިސްތާންގެ އިގްތިސާދު ހަމަ މަގަށް އެޅުވުމަށް ވެސް އިސްލާމްއާބާދުގައި އެދިވަޑައިގެންފައެވެ.
ޔީ ވިދާޅުވިގޮތުގައި ޕާކިސްތާނާއި ޗައިނާ ގުޅިގެން ސަރަހައްދީ ސުލްޙަ ގާއިމް ކުރުމުގެ މަސައްކަތް ކުރަން ޖެހޭނެއެވެ. އަދި އަފްޣާނިސްތާންގައި ސުލްޙައިގެ މަޝްވަރާތައް ބާއްވައިގެން ޙައްލު ހޯދުމަކީ ބޭނުން ތެރި ކަމެއް ކަމުގައިވެސް ވިދާޅުވިއެވެ.
އޭނާ ވިދާޅުވީ، ޗައިނާ އިން ބޭނުން ވަނީ ޗައިނާއާއި ޕާކިސްތާނާއި އަފްޣާނިސްތާން ގުޅިގެން ޗައިނާ ޕާކިސްތާން އިކޮނޮމިކް ކޮރިޑޯއިން ފައިދާ ނެގުމަށެވެ.
