ޗައިނާއިން ކާރު އެކްސްޕޯޓް ކުރާ މިންވަރު ދަށްވެއްޖެއެވެ. އަދި ޗައިނާގެ ސެމީކޮންޑަކްޓަރގެ އަގުތަކާއި ރޯމާއްދާތަކުގެ އަގުތައް މަތިވިމުން އެކްސްޕޯޓަށްވެސް ހުރަސްތައް ކުރިމަތި ވެއްޖެއެވެ. ޗައިނާއިން އަހަރަކު 1.58 މިލިއަން ވެހިކަލް އެކްސްޕޯޓް ކުރެއެވެ. ނަމަވެސް މިހާރު ވަނީ 5.1 އިންސައްތައަށް އެކްސްޕޯޓް ދަށަށް ގޮސްފައެވެ.
ވޯލްސްޓްރީޓް ޖަރނަލް އިން ބުނާ ގޮތުގައި ދޭތެރެއަކުން އެކްސްޕޯޓް އަދަދުތައް މައްޗަށް ޖެހިލިއެވެ. އެއީ ކޮރޯނާ އާ ގުޅިގެން ބަންދުކޮށްފައި އޮތުމަށްފަހު ދޫކޮށްލުމުން އިތުރުވެގެން ދިޔަ އިތުރު ވުމެއްކަމަށް ބުނެއެވެ. އެހެންނަމަވެސް މިފަހުން ފެނިގެން ދިޔަ އެކްސްޕޯޓް ވަޅު ޖެހުމުގެ ސަބަބަކީ، ކާރު އުފައްދާ ފަރާތްތަކަށް ކޮމްޕިއުޓަރ ޗިޕްތައް ނުލިބިގެން ދިމާވި މައްސަލައެކެވެ.
ނިއްކީ އޭޝިއާއިން ބުނާ ގޮތުގައި އެކި ޑިވައިސްތަކަށް ބޭނުންވާ ކޮމްޕިއުޓަރ ޗިޕް ނުލިބުމުގެ މައްސަލައަކީ، ކުރިން އަންދާސާކޮށްފައިވާ ވަރަށް ވުރެން ދިގު ލައިގެން ގޮސްފައިވާ މައްސަލައެކެވެ.
ޗިޕް ނުލިބުމުގެ ސަބަބުން އެންމެ ބޮޑަށް މައްސަލަތައް ކުރިމަތިވެގެން ދިޔައީ ޖަޕާނުގެ އުޅަނދުތައް އުފައްދާ ކުންފުނިތަކަށެވެ. ޖަޕާނުގެ ވެހިކަލް އެކްސްޕޯޓް ކުރުން 17 ޕަސެންޓަށް ދަށަށް ދިޔައެވެ.
