ޗައިނާގެ ތިމާވެށްޓާ ބެހޭ މިނިސްޓްރީން ދާދިފަހުން ހަދާފައިވާ ދިރާސާއަކުން ދައްކަނީ ޗައިނާގެ ކޮންމެ ދެ ކުންފުނިން އެއް ކުންފުންޏަކީ، ތިމާށި ކިލަނބު ކުރާ ކުންފުންޏެއް ކަމަށެވެ. މި ކުންފުނިތަކުގެ ތެރޭންވެސް އެންމެ ބޮޑަށް ތިމާވެށި ކިލަނބު ކުރަނީ، އިމާރާތް ކުރުމށް ބޭނުންވާ މުދާ އުފައްދާ ކުންފުނިތަކާއި ކެމިކަލް ކުންފުނިތަކާއި ބޭސްތައް އުފައްދާ ކުންފުނިތަކެވެ.
ޗައިނާގެ ތިމާވެށްޓާ ބެހޭ މިނިސްޓްރީން ވަނީ މި ދިޔަ މޭ މަހު 30 ސިޓީއެއްގައި 1580 ކުންފުންޏެއް ބަލައި ފާސްކޮށްފައެވެ. މިއިން 882 ކުންފުނީގައި ޖުމުލަ 1942 މައްސަލައެއް ފާހަގަވެފައި ވެއެވެ.
ޗައިނާއަކީ ދުނިޔޭގައި އެންމެ ގިނައިން ކާބަން އުފައްދާ އެއް ގައުމެވެ. ޗައިނާއާ އެއްވަރަކަށް ދެން ކާބަން އުފައްދަނީ އެމެރިކާއިން ނެވެ.
ބައެއް ފަރާތްތަކުން ބުނާ ގޮތުގައި ޗައނާ ކުންފުނިތަކުން ރަނގަޅު މަޢްލޫމާތެއް ނުދެއެވެ. އަދި ސައްހަ މައްލޫމާތު ލިބޭނަމަ، މިކަން މިއަށް ވުރެން ގޯސްވާނެ ކަމަށް ބެލެވޭ ކަމަށެވެ.
އިނގިރޭސިވިލާތުގެ އެނަރޖީއާއި ކްލައިމެޓް ރިސާރޗް ގްރޫޕް އެމްބަރ އިން ބުނާ ގޮތުގައި ދުނިޔޭގެ 54 އިންސައްތަ ކޯލާ ދެލި ބޭނުން ކުރަނީ ޗައިނާއިން ނެވެ. ޗައިނާ ކޯލާ ދެލި ބޭނުން ކުރާ މިންވަރު ވަނީ އިތުރު ވެފައެވެ. 2014ގައި ޗައިނާއިން ކޯލާ ދެލި ބޭނުން ކުރާ ނިސްބަތް އުޅުނީ 44 އިންސައްތައިގައެވެ.
