ޗައިނާ އަކީ އެއް ބިލިއަން ޑޯޒް ވެކްސިން ޖެހިކަމަށް އިޢްލާން ކުރި ފުރަތަމަ ގައުމެވެ. 20 ޖޫން 2021ގައި ކޮމިއުނިސްޓް ސަރުކާރުގެ ގްލޯބަލް ޓައިމްސްއިން ވަނީ މިކަމަށް މަރުޙަބާ ކިޔފައެވެ. ޗައިނާގެ ހެލްތު ކޮމިޝަނުން ބުނެފައި ވާ ގޮތުގައި ޗައިނާ ވަނީ ދުނިޔޭގައި އެއް ބިލިއަން ޑޯޒް ޖަހައިގެން ކާމިޔާބީ ހޯދި ފުރަތަމަ ގައުމަށް ވެފައެވެ. ޗައިނާގެ މީޑިއާއިން ޗައިނާގެ ވެކްސިންގެ ބާރާ ބެހޭ ގޮތުން ވާހަކަ ދައްކައެއް ނަހަދައެވެ.
ޗައިނާގެ ޚާރިޖީ ވުޒާރާގެ ތަރުޖަމާން ޒާއޯ ލީޖިއާން ބުނެފައި ވަނީ ޗައިނާއިން ދުނިޔޭގެ ގައުމުތަކަށް 350 މިލިއަން ވެކްސިން ޑޯޒް ދީފައިވާނެ ކަމަށެވެ.
ކޮރޯނާގެ ވަބާ ފެތުރިގެން ދިޔަ އިރު، އަދި ބަލި ބޮޑުވެގެން ދިޔައިރު، ޗައިނާ ވެކްސިން ފިޔަވައި ފަސޭހައިން އަތު ޖެހޭނެ އެހެން ވެކްސިނެއް ނެތެވެ. އެހެންވެ، ގަލްފްގައި ބަހްރައިން އަކީ އަވަސް އަހަލަށް ލިބުނު ޗައިނާ ވެކްސިން މީހުންނަށް ދޭން ފެށިގައުމެވެ. އަދި މިއީ ޗައިނާ ވެކްސިންގެ ފަހުން ތިންވަނަ ބޫސްޓާ ޑޯޒަކަށް ދާންވެސް ނިންމި ފުރަތަމަ ގައުމެވެ. މިދިޔަ ހަސް މަސްދުވަސް ތެރޭގައި ބަހުރައިންގެ ކެކުޅުންތަކުން މި ވެކްސިންއާ ބެހޭ ގޮތުން ލައްކަ އަޖާއިބުތައް ކިޔައިދެއެވެ. ބަހްރައިން އިން ދެ ހަފްތާގެ ފުރަބަންދަކަށް ދިޔައެވެ.
ބަހްރައިނެކޭ އެއްފަދައިން، ރިކޯޑް ހެދުމުގައި ކުރީގައި އުޅޭ ޔޫއޭއީންވެސް ސައިނޯފާމް ވެކްސިންއަށް އިތުބާރުކޮށްގެން ފުޅާ ދައިރާއެއްގައި މިވެކްސިން މީހުންގެ ގަޔަށް ޖަހަން ފެށިއެވެ. ތިން ވަނަ ޑޯޒަކަށް ދާން ޔޫއޭއީންވެސް ނިންމިއެވެ. ވެކްސިންގެ ޑޯޒްތައް ފުރިހަމަ ކުރި މީހުންނަށް ކުރި ދިރާސާއިން ދެއްކީ ފުރިހަމައަށް ވެކްސިން ޖަހާފައިވާ މީހުންގެ ހަށިގަނޑުގައި ވައިރަހާ ދެކޮޅަށް އުފައްދަން ބޭނުންވާ އެންޓި ބޮޑީޒް އުފެއްދިފައި ނުވާ ކަމުގައެވެ.
ޗައިނާ ވެކްސިންއާއެކު މި މަންޒަރު ފެންނާން އޮތީ މި ދެގައުމުން އެކަންޏެއް ނޫނެވެ. ސީޝޭލްސް އަދި ޗިލީއަދި އުރުގުއޭއިންވެސް ފެނިގެން ދަނީ މިފަދަ ހާލަތަކެވެ. މިވާހަކަތައް ލިޔަމުންދާއިރު އިންޑޮނޭޝިއާއިންވެސް އެއުޅެނީ ސަލާމަތް ނުވެވިގެންނެވެ. ދުވާލަކަށް 21ހާސް މީހުން ދަނީ ފައްސިވަމުންނެވެ. އިންޑޮނޭޝިއާގައި ފައްސިވާ މީހުންގެ 60 އިންސައްތައަކީ ޗައިނާ ވެކްސިން ޖަހާފައި ތިބި މީހުންނެވެ. އިންޑޮނޭޝިއާއަކީ ޗައިނާ ވެކްސިން ޖަހާފައި ތިބި ޑޮކްޓަރުން ގިނަ އަދަދަކަށް މަރުވި ގައުމެވެ.
ޗައިނާ ވެކްސިން ދިނުމަށް ފަހު އޭގެ ބާރު ވަޒަން ކުރުމަށް ގައުމުތަކުން ދިރާސާ ހަދާފައި ވެއެވެ. ބަހްރައިން، މިސްރު އަދި އުރުދުންގައި 78 ޕަސެންޓަށް ޗައިނާގެ ވެކްސިންގެ ބާރު ދައްކައެވެ. ބްރަޒިލްގައި 51 ޕަސެންޓް ކަމަށް ދައްކައެވެ. ޗިލީގައި 87 ޕަސެންޓް ކަމަށް ދައްކައެވެ. އިންޑޮނޭޝިއާގައި 65 ޕަސެންޓް ކަމަށް ސައްކައެވެ. ތުރުކީގައި 84 ޕަސެންޓް ކަމަށް ދައްކައެވެ.
މި ވެކްސިންގެ ބާރާއި ފައިޒަރއާއި މޮޑާނާއާ އަޅާބަލާއިރު 90 އިންސައްތައިގައި މި ދެވެކްސިންގެ ބާރު އުޅޭކަމަށް ދައްކައެވެ. ޗައިނާ ވެކްސިން ޖެހި ގައުމުތަކުގައި ފެންނަނީ އަވަސް އަވަހަށް ވެކްސިން ޖެހި ތަނެވެ.
ޗައިނާ ވެކްސިން ޖެހި ސީޝޭލްސްގެ ހާލަތަށް ބަލާއިރު އެ ގައުމުގައި ކޮންމެ މިލިއަނަކުން 716 މީހުން ފައްސިވެއެވެ. މިއާ ޚިލާފަށް ފައިޒަރ ޖެހި އިޒްރޭލްގައި މިލިއަނަކުން ފައްސި ވަނީ 4.95 މީހުންނެވެ.
ބައެއް ފަރާތްތަކުން ބުރަ ވާގޮތުގައި ޗައިނާއން ވަނީ އެހެން މީހުން އަވަދި ނެތި އުޅުނު އިރު ވެކްސިން އުފައްދާފައެވެ. އެކަމަކު ޓެސްޓް ކުރާކަށް ވަގުތު ހޭދައެއް ނުކުރެއެވެ.
ގިނަ ގައުމުތަކުން ޗައިނާ ވެކްސިންއާ ދިމާއަށް ދަނީ ފަސޭހައިން ޗައިނާ ވެކްސިން ލިބެން ހުރުމުންނެވެ. އެއާ ޚިލާފަށް އެހެން އެއްވެސް ވެކްސިންއެއް ހޯދާނަމަ އެއަށް ވަގުތު ނަގައެވެ. މި އިތުރަށް ނަގާ ވަގުތަކީ ޓެސްޓް ކުރުމަށް ނަގާ ވަގުތެވެ.
ޗައިނާއަކީ ހުޝިޔާރު ގައުމެކެވެ. އެހެންވެ ޗައިނާއަށް އޮއިވަރުގައި ރީތިނަން ހޯދާލަން އެނގެއެވެ. ކުރިން މީހުން ޗައިނާ ވައިރަސްއޭ ކިޔައި އުޅުނަސް މިހާރު އެހެނެއް ނުކިޔައެވެ.
