ތާލިބާނުން މޮސްކޯގައި ރަޝިޔާ ސަރުކާރާއެކު ބާއްވާފައިވާ މަޝްވަރާތަކުގައި ވާހަކަ ދައްކާފައި ވަނީ ތާލިބާނާ ދެކޮޅަށް އދން އަޅާފައިވާ ދަތިކުރުމުގެ ފިޔަވަޅުތައް އުވާލާށެވެ. ދޯޙާގައި ހުންނަ ތާލިބާންގެ ތަރުޖަމާން ސުހައިލް ޝާހީން ވަނީ ޔަގީން ކޮށްދެއްވާފައެވެ.
ތާލިބާނުން މޮސްކޯއަށް ޖުލައި 8 އަދި 9 ގައި ކުރި ދަތުރުގައި ރަޝިޔާ ސަރުކާރުގެ ޚާއްސަ މަންދޫބާ އެކު މަޝްވަރާތައް ބާއްވާފައި ވެއެވެ.
ތާލިބާނުން ޓެރަރިސްޓް ހަމަލަތައް ދެމުންގެންދާތީ އދގެ ސަލާމަތ މަޖިލީހުން ވަނީ ތާލިބާނާ ދެކޮޅަށް ދަތިކުރުމުގެ ފިޔަވަޅު އަޅާފައެވެ. އެމެރިކާއާއެކު ދޯޙާގައި 2020ގައި ތާލިބާނުން ބާއްވާފައިވާ މަޝްވަރާތަކުގައިވެސް އެމެރިކާގެ ދަތިކުރުމުގެ ލިސްޓުން އުނިކުރުމަށް އެދިފައި ވެއެވެ. އެއިރު ވޮޝިންގޓަނުން ބުނެފައި ވަނީ މި ކަމަށް މަސައްކަތް ކޮށްދޭނެ ކަމަށެވެ.
ތާލިބާނުން ބުނި ގޮތުގައި އެޖަމާއަތް އދގެ ދަތިކުރުމުގެ ފިޔަވަޅުތަކުގެ ލިސްޓުން އުނިކުރުމަށް އެމެރިކާއިން ވަކި ކަމަކަށް ޝަރުތުކޮށްފައެއް ނުވެއެވެ.
