އިންޑިއާގެ އިންޑިގޯއަށް ކޮރޯނާއާ ގުޅިގެން ވިޔަފާރީގެ ދަތިތަކެއް ކުރިމަތިވި ނަމަވެސް، އެކުންފުނިން ގަންނަ މަތިންދާބޯޓްތައް ގަތުމުގެ މަސައްކަތް ކުރިއަށް ގެންދާނެކަމަށް ބުނެއެވެ. އިންޑިގޯއަކީ، 2020ގައި އެއަރބަސްގެ އެންމެ ބޮޑު ކަސްޓަމަރެވެ. މިދިޔަ އަހަރު އިންޑިގޯއިން 44 އެއަރބަސް ބޯޓް އެކުންފުނީގެ ފުޅަނދަށް އިތުރުކޮށްފައި ވެއެވެ. އިންޑިގޯއިން ބުނާ ގޮތުގައި މި އުދުހޭބޯޓްތައް ބޭނުން ކުރުމުން ތެލަށް ކުރާ ހޭދަ 15 އިންސައްތައަށް ދަށްވެއެވެ. އެހެންވެ، ކިލޯމީޓަރަކަށް ގޮނޑިއަކަށް ޖެހޭ ހޭދަ ދަށްވެގެން ދެއެވެ.
އިންޑިއާއިން ވަނީ މަތިދާބޯޓްތަކުގެ ގޮނޑިތައް ފުރުމަށް ކުރިން ނިންމާފައިވާ ނިންމުން އަލުން ބަދަލުކޮށްފައެވެ. ކުރިން 50 ޕަސެންޓް ސީޓްތައް ފުރުމަށް ދިން ހުއްދަ ބަދަލުކޮށް މިހާރު ވަނީ 65 އިންސައްތައަށް ގޮނޑިތައް ފުރުމަށް ހުއްދަ ދީފައެވެ. އަންނަ ފެބްރުއަރީ ނުވަތަ މަރޗްގައި އިންޑިގޯއަށް 80 އިންސައްތައަށް ގޮނޑިތައް ފުރާލެވޭނެ ކަމަށް ބެލެވޭކަމަށް އެކުންފުނިން ބުނެއެވެ. އިންޑިއާ ސަރުކާރުން ވަނީ އުދުހޭބޯޓްގައި އުފުލޭ ފަސިންޖަރުންގެ އަދަދު ކޮންޓްރޯލް ކުރުމުގެ އިތުރުން ފައިންޖަރުންގެ ނާލުވެސް ކޮންޓްރޯލު ކޮށްފައެވެ. މިއީ ވައިގެ އުދުހުން އިންތިޒާމު ކުރާ ސަރުކާރުގެ އިދާރާއާ މެދު މީހުން ނުރުހެން ދިމާވި މައްސަލައެކެވެ.
އެހެން އެއަރލައިންތަކޭ އެއްފަދައިން އިންޑިގޯއިން ވެސް ރާވާފައި ވަނީ ތެލުގެ ޚަރަދު ބޮޑު އަދި ދުވަސްވެފައިވާ ބޯޓްތައް ރިޓަޔަރ ކޮށްލުމަށެވެ.
އިންޑިއާގެ ވައިގެ ދަތުރުފަތުރުގެ ދާއިރާއަކީ ބާރަށް ތަރައްގީވާ ދާއިރާއެކެވެ. އެއަރ އިންޑިއާ އަމިއްލަ ފަރާތަކަށް ވިއްކާލުމަށް ސަރުކާރުން ވަނީ ހުށަހަޅާފައެވެ. ކުރިން އެންމެ ކުރީގައި އުޅުނު ޖެޓްއެއަރވޭޒް މިހާރު ކޮންސޯޓިއަމަކުން ގަނެފިއެވެ. ޖެޓްއެއަރވޭޒްވެސް އަންނަ އަހަރު ގަދަކޮށް އުދުހެން ފަށާނެއެވެ.
