ތާލިބާންގެ ޓެރަރިސްޓުން ހިފަމުންދާ ސަރަހައްދުތަކުގެ އުމްރާނީ ތަރައްގީގެ ވަސީލަތްތައް ހަލާކުކުރަމުންދާ ކަމަށް އަފްޣާނިސްތާނުން ބުނެއެވެ. ސިވިލްސާވިސް ކޮމިޝަންގެ ރައީސްއާ ޙަވާލާ ދީ އަފްޣާނިސްތާންގެ ޓޯލޯ ނޫސްގައި ބުނެފައި ވަނީ 116 ޑިސްޓްރިކްޓެއްގައި ތާލިބާނުން އިމާރާތްތައް ސުންނާފަތި ކޮށްލާފައިވާ ކަމަށެވެ. އަދި މިމީހުންގެ އަތްދަށަށް ދިޔަ ތަންތާނގައި ރައްޔިތުންގެ އަސާސީ ޚިދުމަތްތައް ހުއްޓުމަކަށް އައިސްފައިވާ ކަމަށްވެސް ބުނެއެވެ. އަދި ސިވިލްސާވިސްގެ ގިނަ މުވައްޒަފުންނަށްވެސް ތާލިބާނުގެ އުނދަގޫ ފޯރާފައިވާ ކަމަށްވެސް ވެއެވެ. ސިވިލްސާވިސް ކޮމިޝަންގެ ރައީސް ވިދާޅުވީ ތާލިބާން އަތްދަށަށް ދިޔަ ތަންތާނގައި 260 އެއްހާ އިމާރާތެއްގައި ހުޅުޖަހާފައި ވެއެވެ.
ތާލިބާނުންގެ އަތްދަށުގައިވާ ސަރަހައްދުތަކުގައި 13 މިލިއަނެއްހައި މީހުން ވަނީ އަސާސީ ޚިދުމަތްތަކުން މަހުރޫމް ކުރެވިފައެވެ. އަދި ބައި ލައްކައެއްހައި ސިވިލްސާވިސް މުވައްޒަފުންނަށް ގެއްލުން ލިބިފައިވާ ކަމަށް ވެއެވެ.
އަފްޣާނިސްތާން ސަރުކާރުން ލަފާ ކުރާ ގޮތުގައި ތާލިބާނުންގެ ފަރާތުން ލިބިފައުވާ ގެއްލުން 500 މިލިއަން ޑޮލަރަށް އަރާނެއެވެ.
