ގިނަ އަދަދެއްގެ ތެލާއެކު ދަތުރުކުރަމުން ދިޔަ އެފްއެސްއެމްގެ ތެޔޮ ބާޖެއް ށ. ނޫމަރާ ނެރުމައްޗަށް އުރިއްޖެއެވެ.
އެމްއެންޑީއެފް އިން ބުނީ ގިނަ އަދަދެއްގެ ޕެޓްރޯލާއި ޑީސަލް ބަރުކޮށްގެން ފަސް މީހުންނާއިއެކު ދަތުރު ކުރަމުން ދިޔަ އެފްއެސްއެމްގެ ތެޔޮ ބާޖު "މެކުނު" ނޫމަރާގެ ހުޅަނގު ފަރާތު ނެރުމައްޗަށް އުރިގެން ރިޕޯޓެއް ލިބިފައިވާ ކަމަށެވެ.
މިހާދިސާގެ ރިޕޯޓް އެމްއެންޑީއެފްއަށް ލިބިފައި ވަނީ މިއަދު ހެނދުނު 06:59 ގައެވެ.
މިހާދިސާއާ ގުޅިގެން އެމްއެންޑީއެފް ނޮދަން އޭރިޔާ ކޯސްޑްގާޑްގެ ސިފައިން ހަރަކާތްތެރިވަމުންދާ ކަމަށް ވެސް އެމްއެންޑީއެފް އިން ބުނެއެވެ.
