އަފްޣާނިސްތާންގެ ރައިސް އަޝްރަފް އަބްދުލް ޣަނީ ގައުމު ދޫކުރައްވައި ވަޑައިގެންފިކަމަށް ޕާކިސްތާނުގެ ޑޯން ނޫހުން ބުނެއެވެ. ދެ މަސްއޫލު ވެރިއަކާ ޙަވާލާ ދީ އެސޯސިއޭޓެޑް ޕްރެސްއިން މިވާހަކަ ރިޕޯޓް ކޮށްފައި ވެއެވެ. އަފްޣާނިސްތާންގެ ގައުމީ ސުލްހައަށް މަސައްކަތް ކުރައްވާ އަބްދުﷲ އަޙުމަދު ޢަބްދުﷲ ވަނީ ވީޑިއޯ މެސެޖެއްގެ ޒަރީއާއިން މިވާހަކަ ކަށަވަރު ކޮށްދެއްވާފައި ކަމަށްވެސް ޑޯން އިން ބުނެއެވެ.
އަފްޣާން އުރުދޫ ނިއުސްއިން މި ވާހަކަ ރިޕޯޓް ކުރަމުން ބުނެފައި ވަނީ "އަފްޣާނިސްތާންގެ ކުރީގެ ރައީސް" އަޝްރަފް ޣަނީ ގައުމު ދޫކުރައްވައި ވަޑައިގެންނެވި ކަމަށެވެ.
ޑރ. އަބްދުﷲ އަޙުމަދު ޢަބްދުﷲ ވިދާޅުވެފައި ވަނީ މާތްﷲ ޣަނީގެ ޙިސާބު ބައްލަވާނެ ކަމަށާއި ގައުމުގެ ރައްޔިތުންވެސް އޭނާ ކަންކުރެއްވި ގޮތާމެދު ސުއާލު ކުރާނެ ކަމަށެވެ.
ރޮއެޓަރޒް އިންވެސް ބުނެފައި ވަނީ ޣަނީ ތާޖިކިސްތާނަށް ވަޑައިގެންނެވި ކަމަށެވެ.
ތާލިބާނުން މީގެ ކުރީ ފަހަރު ކާބުލް ހިފި އިރު އެމީހުންގެ އަތު ޖެހުނު އެއިރުގެ ކޮމިއުނިސްޓް ރައީސް ނަޖީބުﷲ ދަންޖައްސާލީ ކާބުލްގެ އދގެ އިމާރާތުގައި ހުއްޓައި ނަގައިގެން އައިސް ކެރޭނެއްގެ ކޮޅުގައި އެލުވައިގެންނެވެ.
