އިންޑިއާއިން ކާބުލްއަށް ބޭއްވި އެންމެ ފަހު ކޮމާޝަލް ޕްލައިޓް އެއަރ އިންޑިއާގެ 244ގެއ ދަތުރު ދާދި ދެންމެއަކު ކާބުލް އެއަރޕޯޓުން ނައްޓާލައިފިއެވެ. މި ފްލައިޓްގައި 126 ޕަސިންޖަރުން ތިބި ކަމަށް ވެއެވެ. އިންޑިއާއިން ބުނެފައި ވަނީ އިންޑިއާ ރައްޔިތުންނާއި ޑިޕްލޮމޭޓުންނާއި އިންޑިއާގެ ރަޙުމަތްތެރި ގައުމުތަކުގެ މީހުންނަށް އިންޑިއާ މެދުވެރިކޮށް ކާބުލްއިން ބޭރުވުމަށް ފުރުސަތު އޮންނާނެ ކަމަށެވެ.
އިންޑިއާއިން އިތުރު ފްލައިޓެއް މާދަމާ ހެނދުނު 8 ޖަހާއިރު ކާބުލްއަށް ފޮނުވާނެކަމަށްވެސް ބުނެފައި ވެއެވެ.
ފްލައިޓް ރޭޑާ ދައްކާ ގޮތުން މިރޭ ދެން ކާބުލްއިން ފުރާނީ، ޖިއްދާއާއި ޑުބާއީއަށް އޮންނަ ދެފްލައިޓް އެކަންޏެވެ.
މިވަގުތު ކާބުލް މަތިން ފެންނަން ހުރި ގިނަ ފްލައިޓްތަކަކީ ޗާޓަރ ފްލައިޓްތަކާއި ކޮމާޝަލް ނޫން ފްލައިޓްތަކެވެ.
ފްލައި ޑުބާއީވެސް ވަނީ ކާބުލްއަށް ކުރާ ދަތުރުތައް ހުއްޓާލާފައެވެ.
