އަފްޣާނިސްތާން ފުލުހުންނާއި ސަރުކާރު މަސްއޫލުވެރިން މަސްއޫލިއްޔަތުން ބަރީއަވެ ފިލައިގެންދާތީ، ކާބުލް ކޮންޓްރޯލް ކުރުމަށްޓަކައި ތާލިބާނުން ކާބުލްއަށް ވަދެފިއެވެ. ތާބިބާންގެ ތަރުޖަމާން ޒަބީޙުﷲ މުޖާހިދު ވަނީ މިކަން ކަށަވަރުކޮށްދީފައެވެ.
މީޑިއާ ބުނާ ގޮތުން ތާލިބާނުން ވަދެފައި ވަނީ ފުލުހުންގެ އިދާރާތަކާއި ޔުނިވަރސިޓީތަކުގައި ރައްކާތެރިކަމުގެ ފިޔަވަޅު އެޅުމުގެ ގޮތުންނެވެ.
ކާބުލް ބޭރުގައި ތާލިބާނާއި ހިނގި ކުރިމަތި ލުމެއްގައި 40 މީހަކަށް އަނިޔާތަކެއް ލިބިގެން ކާބުލް ހަސްފަތާލަށް ގެނަސްގެން ފަރުވާ ދޭކަމަށްވެސް ރިޕޯޓް ކޮށްފައި ވެއެވެ.
ރަޝިޔާގެ ޚާރިޖިއްޔާއިން ބުނިގޮތުގައި މޮސްކޯއިން ދަނީ ވޮޝިންޓަނާއެކު އަފްޣާނިސްތާން މައްސަލާގައި މަޝްވަރާ ކުރަމުންނެވެ.
