ބޮލީވުޑްގެ މަޝްހޫރު ތަރި ކަރީނާ ކަޕޫރާއި ފިރިމީހާ ސައިފް އަލީޚާން އެ ދެމަފިރިންގެ ދެ ދަރިން ގޮވައިގެން އިއްޔެގެ ވަގުތެއްގައި ރާއްޖެ އަތުވެއްޖެއެވެ. އިންޑިއާގެ ޚަބަރުފަތުރާ ވަސީލަތްތަކުން ހާމަކުރާ ގޮތުގައި މިއީ ސައިފު އަލީޚާންގެ އުފަން ދުވަސް ފާހަހަކުރުމަށް ކުރި ދަތުރެކެވެ. ސައިފް އަށް 51 އަހަރު ފުރުން ފާހަގަ ކުރުމަށް މި އާއިލާ ރާއްޖެ އައީ ޕްރައިވެޓް ޖެޓެއްގައެވެ. ސައިފް ގެ އުފަންދުވަހަކީ މި އޮގަސްޓު މަހުގެ 16 ވަނަ ދުވަހެވެ.
ކަރީނާގެ 5 މަހުގެ ދަރިފުޅު ޖެއި އާއި ތައިމޫރު ގޮވައިގެން މި ކުރި ދަތުރުގައި ދޮށީ ދަރިފުޅު ގެންގުޅޭ މަޝްހޫރޫ ނޭނީ ސާވިތުރީވެސް ބައިވެރިވިއެވެ.
ކަރީނާ އަށް ދިވެހިރާއްޖެއަކީ ހިތްގައިމު މަންޒިލެއްކަމަށް ރިޕޯޓުތަކުން ހާމަ ކުރެއެވެ. މީގެ ކުރިންވެސް ކަރީނާ އޭނާގެ ދޮށީ ދަރިފުޅު ތައިމޫރާއި ސައިފު އަލީޚާން އާއެކު ރާއްޖެ އައިސްފައި ވެއެވެ.
