ރާއްޖޭގައި ކޮވިޑް-19 އާ ގުޅިގެން އަޅާފައިވާ ފިޔަވަޅުތައް އިތުރަށް ހަރުދަނާ ކުރުމަށް ކުރީގެ ރައީސް މައުމޫން އަބްދުލްޤައްޔޫމް ގޮވާލައްވައިފިއެވެ.
ރައީސް މައުމޫން ކުރެއްވި ޓްވީޓެއްގައި ވިދާޅުވެފައިވަނީ ކޮވިޑް ފެތުރުން ކޮންޓްރޯލް ކުރުމަށްޓަކައި އަވަށްޓެރި ސްރީލަންކާގައި ރޭން ފެށިގެން މިމަހު 30 ގެ ނިޔަލަށް ލޮކްޑައުން އިއުލާނުކޮށްފައިވާކަމަށެވެ.
އަދި ރާއްޖޭގައި އަޅާފައިވާ ފިޔަވަޅުތައް އިތުރަށް ހަރުދަނާ ކުރަންޖެހޭކަމަށް، އެޗްޕީއޭ ޓެގްކޮށް ރައީސް މައުމޫން ކުރެއްވި ޓްވީޓްގައި ވިދާޅުވެފައިވެއެވެ.
ރާއްޖޭގައި ކޮވީޑް-19 މިހާރު ކޮންޓްރޯލް ކުރެވިފައިވާއިރު ރާއްޖެއިން ބައްޔަށް ޕޮޒިޓިވްވި މީހުންގެ ޖުމްލަ އަދަދު ވަނީ 77،754 އަށް އަރާފައެވެ. އެކްޓިވް ކޭސްތަކުގެ އަދަދަކީ 1750 ކަމަށްވާއިރު އޭގެތެރެއިން 16 މީހަކަށް ފަރުވާ ދެމުން އަންނަނީ ހޮސްޕިޓަލުގައެވެ. މި ބަލިން 77،770 މީހުން ރަނގަޅުވެފައިވާއިރު، ބަލީގައި 222 މީހަކު ވަނީ ނިޔާވެފައެވެ.
