އިންޑިއާގެ އާބާދީގެ ވެކްސިން ޖަހަން ޖެހޭ އުމުރުގެ ދެބައިކުޅަ އެއްބައި މީހުންނަށް ކޮވިޑް19 ވެކްސިންގެ ފުރަތަމަ ޑޯޒް ޖަހައިފިއެވެ. ޓައިމްސް އޮފް އިންޑިއާއިން ބުނިގޮތުގައި އުމުރުން 60 އަހަރުން މަތީގެ 60 ޕަސެންޓް މީހުންނަށް ވެކްސިންގެ ފުރަތަމަ ޑޯޒް ދެވިފައި ވެއެވެ. ސިއްޙީ ދާއިރާގައި މަސައްކަތް ކުރާ 90 އިންސައްތަ މީހުންނަށް ފުރަތަމަ ޑޯޒް ދެވިފައި ވެއެވެ. އަދި އިސް ސަފުގައި މަސައްކަތްކުރާ މުނިސިޕަލް ވޯކަރުންނާއި އެހެން ޚިދުމަތްތެރިންނަށް ސަތޭކަ ޕަސެންޓް ކަވަރު ކުރެވފައި ވެއެވެ.
އޮގަސްޓް މަހު ދުވާލަކަށް 5.2 މިލިއަން މީހުންނަށް ވެކްސިން ދީފައި ވެއެވެ. ޖުލައި މަހު ދުވާލަކަށް ވެކްސިން ދެވިފައި ވާނީ އެވަރެޖްކޮށް، 4.3 މިލިއަން މީހުންނަށެވެ.
އިންޑިއާގައި ދެ ޑޯޒް ފުރިހަމަ ކޮށްފައިވާ މީހުންގެ އަދަދު އުޅެނީ 15 އިންސައްތައިގައެވެ.
