ޕާކިސްތާނާއި އަފްޣާނިސްތާނާ ދެމެދުގެ ޗަމަން ބޯޑަރު ދުވާލެއްގެ މައްޗަށް 18 ހާސް މީހުން ހުރަސް ކުރާކަމަށް ޕާކިސްތާނުން ބުނެއެވެ. އަފްޣާނިސްތާން މީހުން ގިނަ އަދަދަކަށް ވަންނަމުން ދިއުމާ ގުޅިގެން އިސްލާމްއާބާދު އޮތޯރިޓީން ވަނީ އިސްލާމްއާބާދުގެނ ހޮޓާތަކުގެ ލޯކަލް ބުކިންގތައް ކެންސަލްކޮށް، އަފްޣާނިސްތާން މީހުންނަށް ފުރުސަތު ދިނުމަށް އިއްޔެ އިއުލާނެއް ނެރެފައެވެ.
ތާލިބާނުން ވަނީ އެސަރަހައްދު އެމީހުންގެ އަތްދަށަށް ދިއުމާ ގުޅިގެން ޗަމަންގެ ބޯޑަރު ބަންދުކޮށްފައެވެ. އަލުން ޗަމަން ހުޅުވާފައި ވަނީ އޮގަސްޓް14ގައެވެ.
ޑޯން ނޫހުން ބުނިގޮތުގައި ޗަމަން ހުޅުވާފައި ވަނީ ތާލިބާނާއެކު ޕާކިސްތާނު ސަރުކާރުން މަޗްވަރާތައް ބޭއްވުމަށްފަހުއެވެ.
ވަރލްޑް ފުޑް ޕްރޮގްރާމާއި ރެފިއުޖީންނާއި ބެހޭ އދގެ އިދާރާއިން ވަނީ އަފްޣާނިސްތާނާ އަވަށްޓެރިގައުމުތަކުން ސަރަހައްދު ހުޅުވާފައި ބޭއްވުމަށް އަންގާފައެވެ.
