ޗައިނާގެ ހުޅަނގު ސީޗުއާން ޕްރޮވިންސްގައި ޓިބެޓްގެ ރޫހާނީ ލީޑަރުގެ ފޮޓޯގެން ގުޅުމުގެ ކުށުގައި ޓިބެޓްގެ 60 މީހުން ޗައިނާ ފުލުހުން ހައްޔަރުކޮށްފިއެވެ. މި ހަފްތާގައި ޗައިނާގައި ވަނީ މަނާކޮށްފައިވާ އަދި މީހުންގެ މެދުގައި މަގްބޫލުކަން ހޯދާ މީސްމީހުންގެ ފޮޓޯ ގެންގުޅުމާ ދެކޮޅަށް ވަރުގަދަ ކެމްޕޭނެއް ފަށާފައި ކަމަށް ރޭޑިއޯ ފްރީ އޭޝިއާއިން ބުނެއެވެ.
ހައްޔަރުކުރި މީހުންގެ ތެރޭގައި 19 ފާދިރީންނާއި އާންމުންގެ 60 މީހަކު ހިމެނެއެވެ. އާރްއެފްއޭއިން ބުނިގޮތުގައި ފުލުހުން ވަނީ މިމީހުންގެ ގެތައް ވަރަށް ރަނގަޅަށް ފާސްކޮށްފައެވެ.
މި މީހުން ހައްޔަރުކުރިތާ ތިން ދުވަސްފަހުން ފުލުހުން ވަނީ ފައި އިނދޭފުރައިން މީހުން އެއްކޮށްގެން، މަނާކޮށްފައިވާ މީސްމީހުންގެ ފޮޓޯ ގެންގުޅުމުން ލިބޭ އަދަބާ ބެހޭ ގޮތުން މީހުން ހޭލުންތެރިކޮށްފައެވެ. މި ބައްދަލުވުމުގައި ދީފައިވާ މަޢުލޫމާތުގައި މީހުންނަށް އަންގާފައި ވަނީ މޮބައިލް ފޯނުގައިވެސް ރޫހާނީ ލީޑަރު ދަލާއިލާމާގެ ފޮޓޯތައް ގެންގުޅުމާއި އޭނާއާ ބެހޭ މަޢުލޫމާތު ޙިއްސާކޮށް ހެދުމަކީވެސް ކުށެއް ކަމުގައެވެ. އަދި މިފަދަ ކަންކަން ކުރާ ފަރާތްތަކަށް ހަރުކަށި ގާނޫނީ އަދަބު ދެވޭކަމަށްވެސް ބުންޏެވެ.
