ކާބުލް އެއަރޕޯޓަށް ދީފައިވާ ޖާނު ގޮއްވާލުމުގެ ޙަމަލާގައި ދެ ކުޅިވަރުގެ ދުނިޔޭގައި ގައިމީ ފެންވަރުގައި ހަރަކާތްތެރިވާ ދެމީހަކާއި ދެ ނޫސްވެރިއަކު މަރުވި ކަމަށް އަފްޣާނިސްތާން ނޫސްވެރިންގެ ޖަމުޢިއްޔާއިން ބުނެފިއެވެ.
މަރުވި ދެ ނޫސްވެރިންގެ ތެރޭން އެކަކަކީ، ރާހާ ނިއުސް އެޖެންސީގެ އަލީ ރިޒާ އަޙުމަދީއެވެ. ދެވަނަ މީހާއަކީ، ޖަހާނޭ ސިއްޙަތު ޓީވީގެ ޕްރެޒެންޓަރ ނަޖުމާ ސިއްދީޤީއެވެ.
އައިސިސް ޚުރާސާނުން ސީފައިވާ މި ޙަމަލާގައި އަފްޣާނިސްތާންގެ 170 މީހަކު މަރުވިއެވެ. އަދި އިތުރު 200އެއްހާ މީހުން ޒަޚަމްވިއެވެ. މީގައި އެމެރިކާ ސިފައިންގެ 13 މީހަކުވެސް މަރުވިއެވެ.
މި ޙަމަލާގައި ގިނައިން މަރުވި މީހުންނަކީ އަންހެނުންނާއި ކުޑަ ކުދިންނެވެ. ފާއިތުވި 20 އަހަރުގެ ތެރޭގައި އަފްޣާނިސްތާންގައި 100 އެއްހާ ނޫސްވެރިން މަރުވެފައި ވެއެވެ.
