ޓެސްލާ ކުންފުނިން އިންޑިއާއިން ސްޕެއަރޕާޓްސް ގަތުމަށް ނިންމައިފިއެވެ. ޓެސްލާގެ ސިއީއޯ އީލޯން މަސްކު ޖުލައި މަހު ބުނެފައި ވަނީ ޓެސްލާ ކުންފުނިން އިންޑިއާގައި ކާރު އުފެއްދުމަށް ޝައުގުވެރިވާ ކަމަށެވެ. ޓެސްލާއިން އިންޑިއާގެ ކާރުގެ ވިޔަފާރީގެ ބާޒާރަށް ވަނުމަށް ވިސްނާފައި ވަނީ އެމެރިކާގައި އުފައްދާފައިވާ ކާރުތައް ގެނަސް އިންޑިއާގައި ފުރަތަމައަށް ވިއްކާށެވެ. އެއަށްފަހު، ދެން އިންޑިއާގައި ކާރު އުފެއްދުމުގެ މަސައްކަތް ފަށާށެވެ.
އިންޑިއާގެ ތިން ކުންފުންޏަކުން ޓެސްލާއަށް މިހާރުވެސް ޓެސްލާ ކާރުގައި ބޭނުންކުރާ ކާރުގެ ބައެއް ބައިތައް އުފައްދައި ދެއެވެ. ނަމަވެސް ޓެސްލާއިން ބޭނުން ވަނީ ބެރޭކްއާއި ގިއަރާއި އިލެކްޓްރިކް އަދި އިލެކްޓްރޯނިކް ބައިތަކާއި ގޮނޑިތައް ވެސް އިންޑިއާގެ ކުންފުނުތަކުން ޓެސްލާއަށް އުފައްދައި ދޭށެވެ.
ޓެސްލާއަކީ، އަމިއްލައަށް ކާރު ޑިޒައިން ކޮށް، އުފައްދާ ކުންފުންޏެކެވެ. ނަމަވެސް ޓެސްލާގެ ބެޓެރިއަކީ ޓެސްލާ ކާރުގެ އެންމެ އަގުހުރި ބާވަތެވެ. މިއީ ގިނަ ވަގުތު ބޭނުން ކުރެވޭ ގޮތަށް އުފައްދާފައިވާ އެއްޗެކެވެ.
ޓެސްލާއިން ވަނީ އިންޑިއާގެ މުމްބާއީގައި ޝޯ ރޫމެއް ހޯދުމަށް ވެސް މަސައްކަތް ކޮށްފައެވެ.
