މޯލްޑިވިއަންގެ ފްލައިޓެއް ހައިޖެކްކުރާނެ ކަމުގެ އިންޒާރު ދިން މައްސަލައިގައި މީހަކު ހައްޔަރު ކޮށްފިއެވެ.
ފުލުހުން ރޭ ބުނީ ފުވައްމުލަކުން މާލެ އަންނަން އޮތް މޯލްޑިވިއަންގެ ފްލައިޓެއް ހައިޖެކް ކުރާނެ ކަމަށް ބުނެ މީހަކު އިންޒާރު ދިން މައްސަލައެއް ރޭ 8:50 ހާއިރު ހުށަހަޅާފައިވާ ކަމަށެވެ.
ފުލުހުން މިއަދު ބުނީ މިމައްސަލައިގައި އުމުރުން 34 އަހަރުގެ މީހެއް ހައްޔަރު ކޮށްފައިވާ ކަމަށެވެ. މިމީހާ ހައްޔަރުކޮށްފައިވަނީ ކޯޓު އަމުރެއްގެ ދަށުން ކަމަށް ފުލުހުން ބުނެއެވެ.
މައުލޫމާތު ލިބިފައިވާ ގޮތުގައި އިންޒާރު ދީފައިވަނީ ފޮށިގަނޑެއް ކާގޯ ކުރަން އައި މީހެކެވެ. އަދި އިންޒާރު ދިނުމުން ފްލައިޓް ފުރުން ދެ ގަޑިއިރަށް ލަސްވެގެން ދިޔައެވެ.
