ޕާކިސްތާންގައި ޕުޝްތޫ ދަރިކޮޅުގެ މީހުން އައު ސިޔާސީ ޕާޓީއެއް އުފެއްދުމަށް ނިންމައިފިއެވެ. އަފްޣާން ތާލިބާނުންނަކީވެސް ޕުޝްތޫ ދަރިކޮޅުގެ މީހުންނެވެ.

ވަޒިރިސްތާންގައި ވާހަކަ ދައްކަވަމުން ޕުޝްތޫ ދަރިކޮޅުގެ މީހުންގެ ލީޑަރު މުޙްސިން ދާވާރު ވިދާޅުވެފައި ވަނީ މި މަހު އައު ޕާޓީ އުފައްދަވާނެ ކަމަށެވެ. އަދި ޕާޓީ އުފެއްދުމަށް ގިނަ ބައެއްގެ ތާއީދު ލިބިފައިވާ ކަމަށްވެސް އޭނާ ވިދާޅުވިއެވެ.

މުޙުސިން ދާވާރަކީ މިހާރުވެސް ވަރަށް ހަރަކާތްތެރި ޕަޝޫން ތަޙައްފުޒް މޫވްމެންޓްގެ ލީޑަރެވެ.

ނޭޝަނަލް ޑިމޮކްރެޓުކް މޫވްމެންޓް ޕާޓީ އުފެއްދެވުމަށް މުޙުސިން އިޢުލާން ކުރެއްވުމުން އޭނާއަށް ސިޔާސީ ފަންތީގެ ގިނަ ބަޔަކު ވަނީ މަރުޙަބާ ކިޔާފައެވެ.

އުތުރު ވަޒީރިސްތާން ދާއިރާ، ޕާލަމެންޓްގައި ތަމްސީލް ކުރަނީ މުޙުސިންއެވެ.

ނޭޝަނަލް ޑިމޮކްރެޓިކް މޫވްމެންޓުން ސަމާލުކަން ދޭނީ އިންސާނީ ޙައްގަށާއި ޒުވާން ލީޑަރުން ކުރިއަށް ނެރުމަށެވެ. ޕުޝްތޫ މީހުންގެ ޝަކުވާ އަކީ ޕާކިސްތާން ސިފައިން ބިރަކާ ނުލައި ވަޒީރިސްތާން ސަރަހައްދާއި ގަބީލާ ސަރަހައްދުތަކުގައި ސިފައިން ބައިތިއްބައިގެން އިންސާނީ ހައްގަށް އަރައިގަންނަ ކަމުގެ ޝަކުވާއެވެ.