އެކްސްޕޯ 2020 ޑުބާއީގައި އިންޑިއާއިން ތައްޔާރު ކުރާ ޕެވީލިއަން ތައްޔާރު ކުރަނީ އެގައުމުގެ އިގްތިސާދު ފަސް ޓްރީލިއަން އެމެރިކާ ޑޮލަރަށް ތަރައްގީ ވެގެންދާނެ ކަން ދެއްކުމަށްޓަކައި ކަމަށް އިސްމަސްއޫލުވެރިން ވިދާޅުވެއެވެ. ޚަލީޖް ޓައިމްސްއިން މަސްއޫލު ފަރާތްތަކާ ހަވާލާ ދީ ބުނެފައި ވަނީ، މި ޕެވިލިއަންގައި، އިންޑިއާއަކީ ދުނިޔޭގެ މައި ވިޔަފާރި ނާރެސްކަމަށް ދެއްކުމަށް މަސައްކަތް ކޮށްފައި ވާނެއެވެ.
އިންޑިއާގެ އެކި ސްޓޭޓްތަކުން ބައިވެރިވެގެން ކުރިއަށް ގެންދާނެ މި ޕެވިލިއަންގައި ސަގާފަތާއި ވިޔަފާރިއާއި އިންޑިއާގައި ހުރި ވިޔަފާރި ފުރުސަތުތައް ކިޔައި ދޭނެއެވެ.
ހަ މަސް ދުވަހަށް ދެމިގެންދާ އެކްސްޕޯ 2020ގައި ތަފާތު ސަގާފީ އިޙުތިފާލްތައް ބާއްވައި ސަރުކާރުގެ އެތައް އިދާރާއަކުން ތަފާތު ޙަރަކާތްތައް އިންތިޒާމު ކުރުމަށްވެސް ހަމަޖައްސާފައި ވެއެވެ.
މި ޕެވިލިއަންގައި އިންޑިއާގެ މިނިވަން 75ގެ ޙަރަކާތްތަކާއި އިޙުތިފާލުތައްވެސް ކުރިއަށް ދާނެއެވެ.
ޑުބާއީގައި އަންނަ މަހުގެ އެއްވަނަ ދުވަހު އިފްތިތާޙު ކުރާ ޑުބާއި އެކްސްޕޯ 2020 ހަ މަސް ދުވަހަށް ދެމިގެން ދާނެއެވެ.
