ތާލިބާންގެ ލީޑަރު މުއްލާ ޢަބްދުލް ޣަނީ ބިރާދަރަކީ ޕާކިސްތާނު ރައްޔިތެއްކަމަށް މީޑިއާ ރިޕޯޓްތައް ބުނެއެވެ. ކުރިންވެސް މީސްމީޑިއާގައި ޢާންމު ވެފައިވާ ފޮޓޯއަކާއެކު އަލުން ދަރުވަމުންދާ ފޮޓޯއެއްގައި މުއްލާ ބިރާދަރުގެ ޕާކިސްތާނީ ޕާސްޕޯޓާއކި އައިޑީ ކާޑްވެސް ދައުރުވެއެވެ.
އަފްޣާން ސަރުކާރުގެ ގައުމީ ސަލާމަތީ ދާއިރާގައި ނިމިދިޔަ ސަރުކާރުގައި މަސައްކަތް ކުރި ފަރާތަކުން މީޑިއާއަށް ކަށަވަރު ކޮށްދީފައިވާ ގޮތުގައި މުއްލާ ބިރާދަރަށް ޕާކިސްތާނުން ކާކުކަން އަންގައިދޭ ކާޑާއި ޕާސްޕޯޓް ދީފައި ވެއެވެ.
އޭނާގެ ޕާސްޕޯޓް ދޫކޮށްފައި ވަނީ 2014 ޖުލައި މަސްތެރޭގައެވެ. މުއްލާ ބިރާދަރު ދިރިއުޅުނީ ޕާކިސްތާންގައެވެ. އޭނާއަކީ ޕާކިސްތާންގެ ޖާސޫސީ އިދާރާއާ ގާތް މީހެކެވެ. 2010ގައި އައިއެސްއައި އިން އޭނާ ހައްޔަރުކޮށްފައި ވެއެވެ. އަދި އޭނާ މިނިވަން ކޮށްފައި ވަނީ އެމެރިކާއިން ބާރުއަޅައިގެންނެވެ.
ތާލިބާންގެ ލީޑަރުން ޕާކިސްތާންގެ ޕާސްޕޯޓާއި އައިޑީ ކާޑް ގެންގުޅެއެވެ. 2006ގައި މަރާލެވުނު ތާލިބާންގެ ލީޑަރެއްކަމަށްވާ މުއްލާ އަޚްތަރު މަންސޫރުގެ އަތުންވެސް ޕާކިސްތާން ޕާސްޕޯޓެއް ފެނިފައި ވެއެވެ. ތާލިބާން ލީޑަރުންނަށް ޕާކިސްތާންގެ ޑޮކިއުމެންޓްތައް ދޫކޮށްފައި ނުވާނެކަމަށް އިސްލާމްއާބާދުން ނުބުނެއެވެ.
