ފަހަކަށް އައިސް ބޮލީވުޑްގެ މައްޝޫރު ތަރިން ދިވެހިރާއްޖެއަށް ޗުއްޓީހޭދަކުރުމަށް އައުން ވަނީ ވަރަށް ބޮޑަށް އިތުރުވެފައެވެ.
މިހާރު ރާއްޖޭގައި ޗުއްޓީ ހޭދަކުރަމުންގެންދާ ބޮލީވުޑްގެ ދެތަރިން ކަމަށްވާ ސަންޖުނާ ސަންގީ އާއި އެކްޓަރ، މޮޑެލް، ގުލްޕަންގްސް ރާއްޖޭގައި ހޭދަކުރާ ޗުއްޓީގެ ފޮޓޯތައް މީސްމީޑިއާގައި ހިއްސާކުރަމުން އެބަ ގެންދެއެވެ.
"ދިލްބެޗާރޭ" ގެ ތަރި ސަންޖުނާ ސަންގީ އޭނާގެ 25 ވަނަ އުފަންދުވަސް ފާހަގަކުރަމުން ގެންދަނީ ށ އަތޮޅު ވަނގަރުގައި ހިންގާ ޖޭޑަބުލިޔޫ މެރިއޮޓް ރިސޯޓުގައެވެ.
ކޭކަކާއެކު ސުވިމިންގް ޕޫލެއްގައި ނަގާފައިވާ ވީޑިއޯއެއް ހިއްސާކުރަމުން މި ޒުވާން ތަރި އިންސަޓަރގުރާމުގައި ލިޔެފައިވަނީ " އުމުރުގެ ހަތަރުބައިކުޅައެއްބައި ފާހަގަ މިކުރަނީ ސުވަރުގެއެއްފަދަ ރީތި ތަނެއްގެ ތަންކޮޅެއްގައެވެ"
މި ފޮޓޯ ނޫނަސް މޫދުގަޔާއި އަތިރިމަތީގައި ނަގާފައިވާ ވީޑިއޯތަކާއި ފޮޓޯތައް ހިއްސާ ކުރަމުން ސަންޖުނާ ވަނީ ރާއްޖޭގެ ރީތި ކަމާއި މެހުމާންދާރީގެ ފުރިހިހަމަކަށް ތަޢުރީފު ކޮށްފައެވެ.
ކުރީގެ ރީތީގެ ރާނީ ގުލް ޕަންގްސް ވެސް އިއްޔެ އިންސުރެން އިންސްޓަގްރާމްގައި ފޮޓޯތަކާއި ވީޑިއޯތައް ހިއްސާ ކުރަމުން އެބަ ގެންދެއެވެ. އަދި ރާއްޖޭގެ ހަމަހިމޭން މި މާހައުލާއި ދޮންވެލި އަތިރިމަތިތަކާއި، ރީތި ސާފު މޫދާއި، ގޮޑު ދޮށްތަކަށް ތަޢުރީފުކޮށް ވަރަށް ގިނަ ލިޔުންތައް ލިޔެފައި ވެއެވެ. އަދި ކޯމަސް ބެލުމާއި ރިސޯޓުގައި ބައިސްކަލު ދުއްވުމަށް އޭނާ އާއި ދަރިފުޅު ވަރަށް ބޮޑަށް ޝައުގުވެރިވާ ކަމަށް ލިޔެފައި ވެއެވެ. މީގެ އިތުރަށް ރިސޯޓުން އެކި ގަޑިތަކުގައި ލިބޭ ތަފާތު ބާވަތްތަކުގެ ކެއުމަށް ވެސް އެތައް ފަހަރަކު ތައުރީފުކޮށް ލިޔެފައިވެއެވެ.
ގުލްޕަންގްސް އޭނާގެ އާއިލާ އާއި އެކު ޗުއްޓީ ހޭދަކުރަމުން ދަނީ ބ އަތޮޅު ސޮނެވާފުށީގައެވެ.
