އިންޑިއާއާއި ކުވެއިތާ ދެމެދުގެ ވައިގެ ދަތުރުފަތުރުތައް މިއަދުން ފެށިގެން ފަށައިފިއެވެ. ކުވެއިތުގެ ޑިރެކްޓަރ ޖެނެރަލް އޮފް ސިވިލް އެވިއޭޝަން ވިދާޅުވި ގޮތުގައި އިންޑިއާއާއި ކުވެއިތާ ދެމެދު ދުވާލެއްގެ މައްޗަށް ފަސް ފްލައިޓް ބާއްވާނެއެވެ. ނަމަވެސް ދަތުރުތައް ގިނަކޮށް މަދުކޮށް ހަދާނީ ފަސިންޖަރުންގެ އަދަދަށް ބަލާފައެވެ.
އިންޑިއާއަށް ވައިގެ ދަތުރުތައް ފަށާނެ ކަމަށް ކުވެއިތުން ބުނެފައި ވަނީ މިދިޔަ މަހުގައެވެ. ނަމަވެސް ސިއްޙަތާ ބެހޭ ގަވާއިދާ ހެދި ދަތުރުތައް ފަސްކޮށްލީއެވެ.
އިންޑިއާއިން ކުވެއިތަށް ދަތުތައް ބާއްވާނީ ބޯއިން 737 މެކްސްގެ މަތިންދާ ބޯޓްތަކުގައެވެ. މިއީ މެކްސް އާއިލާގެ މަތިންދާ ބޯޓްތައް ދަތުރުކުރުމަށް އިންޑިއާއިން ހުއްދަ ދިން ފުރަތަމަ ފަހަރެވެ. އިންޑިއާއިން ދެ އަހަރާއި ބައި ވަންދެން މެކްސްގެ ބޯޓްތަކަށް ދަތުރުކުރުމަށް ހުއްދަ ނުދީ ހިފަހައްޓާލިއެވެ.
