އިންޑިއާގެ ޗަންދްރަޔާން ސެޓެލައިޓުން ދުނިޔޭގެ ހަނދުގެ ވަށައިގެން ނުވަ ހާސް ފަހަރަށް ބުރުޖަހައިފިއެވެ. ޗަންދްރިޔާން2 ގައި ހިމެނޭ ދުރުން މައުދަންތަކާއި މާއްދާތައް އިޙުސާސް ކުރާ ޓެކްނޮލޮޖީ ބޭނުން ކޮށްގެން ހަނދުގެ ސަތަހައިގައި މެންގަނީޒްއާއި ކްރޮމިއަމް ހުރިކަން ހޯދައި ގަނެވިފައިވާ ކަމަށްވެސް އިސްރޯއިން ބުނެއެވެ.
އިސްރޯ އިން ވަނީ ޗަންރްދިޔާން2 ފޮނުވިތާ ދެ އަހަރު ފާހަގަ ކުރުމުގެ ގޮތުން ވެބިނާރެއް ބާއްވާފައެވެ. މި ވެބިނާރުގައި އިސްރޯއިން ބުނެފައި ވަނީ މި ސެޓެލައިޓުން ހޯދާ މައުލޫމާތަކީ އިންޑިއާގެ ރައްޔިތުންނަށް އެއިން ފައިދާ ލިބެން ޖެހޭނެ މައުލޫމާތެއް ކަމަށާއި އަދި ސައިންސްގެ ހޯދުންތަކުގައި މި މަޢުލޫމާތު ބޭނުން ކުރަން ޖެހޭނެ ކަމަށެވެ.
ޗަންދްރިޔާން2 އިން ހަނދުގެ ސަތަހައިގައި ހިމެނޭ މާއްދާތައް ހޯދައި ގަތުމުގެ ކުރިން މައުދަންތަކާއި މާއްދާތައް ހަނދުން ހޯދައި ގަންނަނީ ހަނދުގެ ފަސްތައް ތަހުލީލު ކުރުމުންނެވެ. ނަމަވެސް ދުރުން ޓެކްނޮލޮޖީ ބޭނުން ކޮށްގެން މި މާއްދާތައް ހޯދައިގަތް މިއީ ފުރަތަމަ ފަހަރެވެ.
