އަފްޣާން ތާލިބާންގެ އައު ސަރުކާރަކީ އޭގެ ކުރީ ސަރުކާރަކާ ވަކި ތަފާތު ސަރުކާރެއް ނޫން ކަމަށް އިންޑިއާއިން ދެކެއެވެ. އަފްޣާން ތާލިބާންގެ ސަރުކާރާ ބެހޭ ގޮތުން އެމެރިކާއާއި އިނގިރޭސިވިލާތުގެ ޖާސޫސީ އިދާރާތަކުގެ ވެރިން ވަނީ އިންޑިއާއާއެކު މަޝްވަރާތައް ބާއްވާފައެވެ.
އަދި އިންޑިއާގެ ބޮޑު ވަޒީރާއި ޚާރިޖީ ވަޒީރާ ގައުމީ ސަލާޟަތާ ބެހޭ މުޝީރާ ބައްދަލު ކުރެއްވުމަށް ރަޝިޔާގެ ގައުމީ ސަލާމަތާ ބެހޭ މުޝީރު ވަނީ ނިއުދިއްލީއަށް ވަޑައިގެން ފައެވެ.
މި ގައުމުތަކުން ތާލިބާނާ މެދު ގެން ގުޅޭ ނުތަނަވަސް ކަންކަމުގެ ތެރޭގައި ޓެރަރިޒަމްގެ ހަރަކާތްތައް އާލާވެގެން ދިއުމާއި، އާދައިގެ މަތިން ހަނގުރާމަވެރިން ބޭނުން ކުރާ ހަތިޔާރު އާންމު ވުމާއި އަފިހޫންގެ ދަނޑުވެރިކަމާއި ވިޔަފާރި އާންމު ވެގެން ދިއުމުގެ ބިރާމެދު މަޝްވަރާތައް ބާއްވާފައި ވެއެވެ.
އިންޑިއާގެ ބޮޑު ވަޒިރާއި ރަޝިޔާގެ ރައީސް ވަނީ ދެ ފަރާތުން ޚިޔާލު އެއްގޮތް ކޮށްލުމުގެ ގޮތުން ތާލިބާނާ ބެހޭ ގޮތުން ފޯނުން މަޝްވަރާތައް ބާއްވަވާފައެވެ. ދެ ގައުމުންވެސް އެއްބަސްވެފައި ވަނީ މަޝްވަރާ ކޮށްގެން އަދި ހާލަތު ދިރާސާކޮށްގެން ތާލިބާނާ މެދު ގޮތެއް ނިންމާށެވެ.
ތާލިބާނުން އިޢުލާން ކުރި ސަރުކާރުގައި ޓެރަރިޒަމްގެ ތުހުމަތުގައި ދުނިޔޭގެ ފެންވަރުގައި ވޯންޓެޑް މީހުން ހިމެނެއެވެ. ތާލިބާންގެ ދިފާއީ ޖާސޫސީ އަދި ދާޚިލީ ވުޒާރާތައްވެސް ލިބިފައި ވަނީ އިރުމަތީ އަފްޣާނިސްތާން ކޮންޓްރޯލް ކުރާ ހައްގާނީ ނެޓްވަރކްގެ މެމްބަރުންނަށެވެ.
ނޯރވޭގެ އެމްބަސީން އިއްޔެ ބުނެފައި ވަނީ ތާލިބާނު ހަނގުރާމަވެރިން އެމްބަސީގެ އިމާރާތް އެމީހުންގެ އަތްދަށަށް ގެންގޮސްފައިވާ ކަމަށެވެ.، އަދި އެމްބަސީގައި ހުރި ބަނގުރާ ނައްތާލައި ކުޑަ ކުދިންނަށް ކިޔަވައިދޭ ފޮތްތައް ނައްތާލައި ތަން ސާފު ކުރުމަށްފަހު އެމްބަސީގެ އިމާރާތް ހަވާލު ކުރާނެ ކަމަށެވެ. ކާބުލްއަށް ކަނޑައަޅާފައިވާ ނޯރވޭގެ އެމްބެސެޑަރު ވަނީ މިވާހަކަ ކަށަވަރު ކޮށްދެއްވާފައެވެ.
މީޑިއާ ރިޕޯޓްތައް ބުނާ ގޮތުން ތާލިބާމުން ވަނީ ކާބުލްގެ މިއުޒިކް އެކަޑެމީއަށް ވަދެ އެތާގައި ހުރި މިއުޒިކް އާލާތްތަކާއި ބެތައް ހަލާކުކޮށްލާފައެވެ.
