ރަޝިޔާއިން އުފައްދާފައިވާ ސްޕްޓްނިކް5 ވެކްސިން އިންޑިއާގައި އުފައްދައި ހަސްފަތާލުތަކަށް ސަޕްލައި ކުރަން ފަށައިފިއެވެ. އިންޑިއާގައި ސްޕްޓްނިކް ވެކްސިން އުފައްދައި ސަޕްލައި ކުރަނީ ޑރ ރެއްޑީ ލެބޯޓްރީންނެވެ.
ރަޝިއަން ޑައިރެކްޓް އިންވެސްޓްމެންޓް ފަންޑްގެ ފަރާތުން އުފައްދާފައިވާ ކޮވިޑް19އަށް ބޭނުން ކުރަން ފެށި ފުރަތަމަ ވެކްސިން އިންޑިއާގައި އުފެއްދުމަށް ވެފައިވާ އެއްބަސްވުމުގައި ވަނީ މި ވެކްސިން އިންޑިއާގަައި އުފައްދާނީ އެންމެ ފުރަތަމަ އިންޑިއާގެ މީހުންނަށް ބޭނުން ކުރުމަށެވެ.
ޑރ. ރެއްޑީ ލެބޯޓްރީން ވަނީ މި ވެކްސިން ލިބެން ހުރި ސިޓީތަކާއި ވެކްސިން ލިބެން ހުރި ހަސްފަތާލްތަކުގެ މަޢުލޫމާތު އާންމުންނަށް އެނގޭ ގޮތަށް ވެބްސައިޓެއް ހަދައި، އެ ވެބްސައިޓްގައި ހާމަކޮށްފައެވެ.
ޑރ. ރެއްޑީ ލެބީޓްރީން އުފެއްދި މި ވެކްސިން އިންޑިއާގެ 125 މިލިއަން މީހުންނަށް ދިނުމަށް ހަމަޖައްސާފައި ވެއެވެ. މިއީ ދެ ފަހަރުމަތިން ޖަހައިގެން ޑޯޒް ހަމަޥާ ވެކްސިނެކެވެ. ދަތިކަމަކާ ނުލައި 125 މިލިއަން މީހުންނަށް ދެވަނަ ޑޯޒް ދެވޭ ވަރަށް ވެކްސިން އުފައްދާފައިވާ ކަމަށްވެސް މި ކުންފުނިން އިޢުލާން ކޮށްފައި ވެއެވެ.
