ތާލިބާނުންގެ ސަރުކާރު ހުވާ ކުރުން އޮންނާނީ ސެޕްޓެމްބަރު 11ގެ މުނާސަބާއަށް 20 އަހަރު ފުރޭ ދުވަހުގައި ކަމަށް ތާލިބާނުން ބުނެއެވެ. ތާލިބާންގެ ސަރުކާރުގެ ހުރިހައި އިސްމަގާމެއް ފުރަމުން ދާނީ ހުސް ފިރިހެނުންނެވެ. އެފްބީއައި އިން ވޯންޓެޑް ލިސްޓަށް ލާފައިވާ މީހުން މި ސަރުކާރުގައި ހިމަނައި ތާލިބާނުން ވަނީ އެމެރިކާގެ މޫނުމަތީގައި ތަފާއްޔެއް ޖަހާފައި ވަމަށް ސުޕްޓްނިކްއިން ބުނެއެވެ.
ތާލިބާނުގެ ހޯމް މިނިސްޓަރަކީ، މުއްލާ ސިރާޖުއްދީން ހައްގާނީއެވެ. މިއީ އެފްބީ އައިގެ ވޯންޓެޑް ލިސްޓްގައި އޮތް މީހެކެވެ. އަދި މިމީހާގެ ސާފު ފޮޓޯއެއް ވެސް އެފްބީއައިއަށް ލިބިފައެއް ނުވެއެވެ.
އެސޯސިއޭޓެޑް ޕްރެސްއިން ރިޕޯޓް ކުރިގޮތުގައި ހައްގާނީ ނެޓްވަރކްގެ އިސްފަރާތް ކަމުގައިވާ ސިރާޖުއްދީން ހައްގާނީއަކީ އަދިވެސް ވަގަށް ނަގާފައިވާ އެމެރިކާ މީހަކު އޭނާގެ ޖަމާއަތުން ގެންގުޅޭ މީހެކެވެ. ހައްގާނީ ނެޓްވަރކްގައި ހިމެނޭ ގިނަ ބަޔަކަށް މަގާމުތައް ލިބުނެވެ.
2008ގެ ޖެނުއަރީގައި ކާބުލްގެ ހޮޓަލަކަށް ދީފައިވާ ހަމަލާއާ ގުޅޭ ގޮތުން އެފްބީއައި އިން ހައްގާނީއާ ސުއާލު ކުރަން ބޭނުން ވެއެވެ. ސިރާޖުއްދީން ހައްގާނީ ވަނީ ކުރީގެ ރައީސް ޙަމީދު ކަރްޒާއީ އަވަހާރަކޮށްލަންވެސް މަސައްކަތް ކޮށްފައެވެ.
