އިންޑިއާއަށް ކޮވިޑް19ގެ ތިން ވަނަ ރާޅެއް އަތުވެދާނެ ކަމުގެ ބިރު އެބައޮތެވެ. އެކަމަށް ވިޔަފާރިތަކުން ތައްޔާރުވެގެން ތިބުމަށް އިންޑިއާގެ ރިޒާވް ބޭންކްގެ ގަވަވަރުނަރު ވަނީ ގޮވާލައްވާފައެވެ.
ގަވަރްނަރ ޝަކްތީކާންތު ދާސް ވިދާޅުވިގޮތުގައި އިންޑިއާގެ އިގްތިސާދު 9.5 ޕަސެންޓްގައި ތަރައްގީ ވަމުންދާނެ ކަމަށް ލަފާކޮށްފައިވާ ގޮތަށް ކުރިއަށްދާނެކަމަށާއި އެ މަގްސަދު ހާސިލުވާނެ ކަމުގެ އުންމީދު އޮތް ކަމުގައި އޭނާ ވިދާޅުވިއެވެ.
އޭނާ ވިދާޅުވިގޮތުގައި މީހުން މިހާރު ވަނީ ކޮވިޑްއާ ގުޅިގެން އަޅާފައިވާ ފިޔަވަޅުތަކަށް ހޭނިފައެވެ. އެހެންވެ، ވިޔަފާރިތައް ކުރިއަށް ގެންދިއުމުގައި ހުރަހެއް ނެތެވެ. ނަމަވެސް ކޮވިޑް ލައިގަންނާނީ ކިހާ މިންވަރަކަށް ކަން ލަފާ ނުކުރެވޭ ކަމުގައި އޭނާ ވިދާޅުވިއެވެ.
އިންޑިއާގެ ކޮވިޑްގެ ދެވަނަ ރާޅެއް ލައިގަތުމުން އޭގެ އަސަރު ޖުލައި މަހާއި އޮގަސްޓް މަހުގެ އަދަދުތަކުން ފެންނާން ހުރިނަމަވެސް މިހާރު ކުރިއަށްދާ ކުއާޓާ ނިމޭއިރު، ނަތީޖާ ރަނގަޅަށް ދައްކާނެ ކަމަށް އޭނާ ދެކެވަޑައި ގަންނަވައެވެ.
