ތާލިބާންއާ ދެކޮޅަށް ޕަންޖްޝޭރްގައި ހަނގުރާމަ ކުރާ އަޙްމަދު މަސްއޫދުއާއި ބައިވެރިން އަމިއްލަ ސަރުކާރެއް އިޢުލާން ކުރާނެކަމަށް ބުނެފިއެވެ. ތާލިބާނުން އިޢްލާން ކޮށްފައިވާ ވަގުތީ ސަރުކާރުގައި ހިމެނޭ 33 މެމްބަރުންގެ ސަރުކާރު ކޮންޓްރޯލް ކުރަނީ އަފްޣާނިސްތާންގެ އާބާދީގެ 40 އިންސައްތަ ކަމުގައިވާ ޕުޝްތޫ ދަރިކޮޅުގެ މީހުންނެވެ. އަފްޣާނިސްތާންގެ އާބާދީއަކީ 38 މިލިއަން އެވެ.
އަހުމަދު މަސްއޫދު ބައިނަލްއަގްވާމީ ފަރާތްތަކަށް ގޮވާލާފައި ވަނީ ތާލިބާނުންގެ ސަރުކާރު ބަލައި ނުގަތުމަށެވެ. އޭނާ ވަނީ ސާކާއި އޯއައިސީއާއި އަފްޣާނިސްތާން ބައިވެރިވާ ބައިނަލްއަގްވާމީ ޖަމާއަތްތަކުން ތާލިބާންގެ ސަރުކާރަށް ގާނޫނީ ހައިސިއްޔަތު ނުދިނުމަށް އެދިފައެވެ.
ތާލިބާނުން އަންގާރަ ދުވަހު ކެބިނެޓް އިއުލާން ކުރަމުން ބުނެފައި ވަނީ، އަފްޣާނިސްތާންގެ ނަން، ކުރިން ތާލިބާޏުން ވެރިކަން ކުރިއިރު އޮތް ގޮތަށް އިސްލާމިކް އެމިރޭޓް އޮފް އަފްޣާނިސްތާންގެ ނަމަށް ބަދަލުކޮށްފައިވާ ކަމަށެވެ.
އަފްޣާނިސްތާންގެ ބައެއް ސިޔާސީ ފަރާތްތަކުންވެސް ވަނީ ތާލިބާންގެ ސަރުކާރު ބަލައި ނުގަތުމަށް ނިންމާފައެވެ.
ބައިނަލްއަގްވާމީ ފަރާތްތަކުންވެސް އަދި ލިބިފައި ވަނީ ވަޅޯތާފަނާ ތަރުހީބެކެވެ.
އަޙުމަދު މަސްއޫދު ބުނިގޮތުގައި އޭނާއާއި ބައިވެރިން ސަރުކާރު އެކުލަވާލާނީ ސިޔާސީ ފަރާތްތަކާއެކު މަޝްވަރާކޮށް ހުރިހައި ފަރާތެއް ހިމެނޭފަދަ ގޮތަކަށެވެ.
